Foto: uiymdastyrýshylardan
Qazaqstannyń Mádeniet jáne aqparat ministrliginiń qoldaýymen Roza Baǵlanova atyndaǵy «Qazaqkontsert» memlekettik akademiialyq kontserttik uiymynda aty ańyzǵa ainalǵan «GULDER» ansambliniń kontserti ótti.
Kontserttiń alǵashqy minýttarynda kórermen "Gulder" ansambliniń tarihy jaily beinerolikti tamashalady.
Kórermenniń ystyq yqylasymen mádeni kesh instrýmentaldy-horeografiialyq kompozitsiiamen jalǵasty. G-band tobynyń súiemeldeýimen «Gulder» ansambliniń baleti sahnada joǵary deńgeide óner kórsetti.
Kontsert barysynda qazaq mýzykasynyń altyn qorynan oryn alǵan shyǵarmalar men álemdik hitter erekshe úilesim tapty.
Keshte halyqaralyq konkýrstardyń laýreattary Didar Abdýhalyq, Abzal Ósimbaev, Erbol Tájibaev, Nurai Sherý, Sultan Ahmet, sondai-aq belgili mádeniet qairatkerleri Alibek Almadiev, Gúlsim Myrzabekova, Altynshash Muqataeva jáne Anna Ývarova óner kórsetti.
Kórermen nazaryna usynylǵan «Ómir-ózen», «Úkilim-ai», «Men dep oila» syndy týyndylar qazaq mýzykasynyń kórkemdik bolmysyn tanytty.
Sonymen qatar «Sway» jáne «Historia de un amor» sekildi álemdik biregei shyǵarmalar keshtiń kórkin asha tústi.
Myń buralǵan bishiler túrli eldiń bii arqyly ár halyqtyń boiaýyn sahnada aiqyn kórsetti.
Alǵash sahnalanǵan «Jer ana» premerasy kórermenge erekshe tolǵanys syilap, al «Qorqyt» kompozitsiiasy zamanaýi plastika men ulttyq rýhty ushtastyrdy.
Kesh sońynda barlyq óner maitalmandary «Qazaq dalasy» shyǵarmasyn oryndap, kontsertti qorytyndylady.
Aty ańyzǵa ainalǵan «Gulder» ansambliniń kontserti kórermen jadynda keremet estelik qaldyrǵany sózsiz...
