Foto:Reuters
Grýziiada jappai narazylyq ótip jatqanyna bir apta boldy. Mitingide politsiia jinalǵandardy kúshtep taratqan. Onda jas aǵyzatyn gaz qoldanylyp, sý shashylyp jáne rezeńke oq atylǵany aitylyp jatyr. Málimet boiynsha 293 adamǵa ákimshilik, 6 adamǵa qylmystyq is qozǵalǵan.
ULT.KZ tilshisi Qazaqstan Respýblikasy Syrtqy ister ministriniń orynbasary Álibek Baqaevtan: "Grýziiadaǵy Qazaqstan azamattarynyń jaǵdaiynan habardarsyzdar ma? Qazirgi ýaqytta qansha azamatymyz Grýziiada júr?" -dep surady.
"Grýziiada qazir naqty qansha adam bar ekenin aita almaimyn. Sebebi bizde Grýziiamen vizasyz rejim, sondyqtan kúndelikti ol elge demalýǵa jáne basqa maqsatta baratyn adamdar bar. Grýziiadaǵy bizdiń elshiligimiz bul máseleni turaqty baqylaýda ustap otyr. Kez kelgen Qazaqstan azamatyna kómek kórsetemiz. Bizdiń jelilerimiz árqashan da ashyq. Aqparat árqashan whatsapp arqyly nemese basqa jeliler arqyly jiberiledi jáne elshilikterdiń saitynda ornalastyrylady." Sondyqtan kez kelgen azamat Grýziiada ǵana emes, osy jerde júrgen azamattar da, olardyń týysqandary elshilikke nemese Syrtqy ister ministrligine habarlasyp, kómek surai alady. Osy ýaqytqa deiin kómek suraǵandar joq", -deidi QR Syrtqy ister ministriniń orynbasary Álibek Baqaev.
Aita keteiik, Grýziia premer-ministriniń eldiń Eýropalyq odaqqa kirýi týraly kelissózderdi tórt jylǵa toqtata turý týraly málimdemesinen keiin on myńdaǵan narazylyq bildirýshiler Tbilisi kóshesine shyqqan. Grýziia Parlamentindegi kezekti demonstratsiiany politsiia kúshtep seiiltti. Biraq narazylar áli de sherýge shyǵýda. "Grýzin armany" bileýshi partiiasynyń saiasatkerleri men onyń bilikke jańa mandatyn zańsyz dep sanaityndar arasyndaǵy shielenis jalǵasyp jatyr.
.jpg)