Grýziiadaǵy "Birtutas ulttyq qozǵalys" oppozitsiialyq partiiasynyń jetekshisi Nika Meliia burynǵy prezident Mihail Saakashvili otyrǵan Rýstavidegi túrme mańynda 2 qarashada merzimsiz narazylyq aktsiiasyn bastaitynyn habarlady, dep jazady Azattyq.
Oppozitsiia saiasatkerdi bosatýdy talap etip otyr.
"Grýziia narazylyqty bastaidy!" - dep jazdy Meliia Facebook’tegi paraǵynda. Onyń habarlaýynsha, aktsiia jergilikti ýaqyt boiynsha keshki saǵat beste bastalady. Aktsiia burynǵy prezident túrmeden bosap shyqqanǵa deiin sozylady, deidi partiia jetekshisi.
Mihail Saakashvili sailaýdyń birinshi týry qarsańynda Grýziiaǵa oralyp, odan soń ol túrmege túsken soń, Grýziiada saiasi daǵdarys tereńdei tústi. Saiasatker túrmede ashtyq jariialaǵan. Saakashvili bastamasymen qurylǵan "Birtutas ulttyq qozǵalys" sailaýdyń 30 qazanda ótken ekinshi týrynda daýystar bilik basyndaǵy "Grýzin armany" partiiasynyń paidasyna burmalandy dep málimdedi. Aldyn ala málimet boiynsha, "Grýzin armany" jergilikti sailaýlardyń ekinshi týrynda 20 mýnitsipalitettiń 19-da jeńiske jetti.
Saakashvili bolsa sailaýda "Biryńǵai ulttyq qozǵalys" jeńdi, biraq Grýziiada bilikti menshiktep alǵan "bandalar toby" jeńisti bizden tartyp aldy" dep málimdedi. Saiasatker azamattardy narazylyqqa shyǵýǵa, "Grýzin armanyn" "bilikti qaitarýǵa" úndedi.
Saakashvilidiń ashtyq jariialaǵanyna 33 kún boldy. Áleýmettik jelide saiasatker qatty júdegenin, shamamen 20 keli salmaq tastaǵanyn jazǵan.
