گرۋزيياداعى "بٸرتۇتاس ۇلتتىق قوزعالىس" وپپوزيتسييالىق پارتيياسىنىڭ جەتەكشٸسٸ نيكا مەلييا بۇرىنعى پرەزيدەنت ميحايل سااكاشۆيلي وتىرعان رۋستاۆيدەگٸ تٷرمە ماڭىندا 2 قاراشادا مەرزٸمسٸز نارازىلىق اكتسيياسىن باستايتىنىن حابارلادى, دەپ جازادى ازاتتىق.
وپپوزيتسييا ساياساتكەردٸ بوساتۋدى تالاپ ەتٸپ وتىر.
"گرۋزييا نارازىلىقتى باستايدى!" - دەپ جازدى مەلييا Facebook’تەگٸ پاراعىندا. ونىڭ حابارلاۋىنشا, اكتسييا جەرگٸلٸكتٸ ۋاقىت بويىنشا كەشكٸ ساعات بەستە باستالادى. اكتسييا بۇرىنعى پرەزيدەنت تٷرمەدەن بوساپ شىققانعا دەيٸن سوزىلادى, دەيدٸ پارتييا جەتەكشٸسٸ.
ميحايل سااكاشۆيلي سايلاۋدىڭ بٸرٸنشٸ تۋرى قارساڭىندا گرۋزيياعا ورالىپ, ودان سوڭ ول تٷرمەگە تٷسكەن سوڭ, گرۋزييادا ساياسي داعدارىس تەرەڭدەي تٷستٸ. ساياساتكەر تٷرمەدە اشتىق جارييالاعان. سااكاشۆيلي باستاماسىمەن قۇرىلعان "بٸرتۇتاس ۇلتتىق قوزعالىس" سايلاۋدىڭ 30 قازاندا ٶتكەن ەكٸنشٸ تۋرىندا داۋىستار بيلٸك باسىنداعى "گرۋزين ارمانى" پارتيياسىنىڭ پايداسىنا بۇرمالاندى دەپ مەلٸمدەدٸ. الدىن الا مەلٸمەت بويىنشا, "گرۋزين ارمانى" جەرگٸلٸكتٸ سايلاۋلاردىڭ ەكٸنشٸ تۋرىندا 20 مۋنيتسيپاليتەتتٸڭ 19-دا جەڭٸسكە جەتتٸ.
سااكاشۆيلي بولسا سايلاۋدا "بٸرىڭعاي ۇلتتىق قوزعالىس" جەڭدٸ, بٸراق گرۋزييادا بيلٸكتٸ مەنشٸكتەپ العان "باندالار توبى" جەڭٸستٸ بٸزدەن تارتىپ الدى" دەپ مەلٸمدەدٸ. ساياساتكەر ازاماتتاردى نارازىلىققا شىعۋعا, "گرۋزين ارمانىن" "بيلٸكتٸ قايتارۋعا" ٷندەدٸ.
سااكاشۆيليدٸڭ اشتىق جارييالاعانىنا 33 كٷن بولدى. ەلەۋمەتتٸك جەلٸدە ساياساتكەر قاتتى جٷدەگەنٸن, شامامەن 20 كەلٸ سالماق تاستاعانىن جازعان.
