Grýziiada óli tabylǵan qazaqstandyq Ásel Aitpaevanyń anasy Tbilisige ushyp ketti, - dep habarlaidy Tengrinews.kz.
Syrtqy ister ministrliginiń resmi ókili Aibek Smadiiarov vedomstvo ókilderi áiel adamǵa qujatyn rásimdep, qajet biletti taýyp berýge kómekteskenin habarlady. Marqumnyń denesi Qazaqstanǵa kelesi aptanyń basynda ákelinedi.
Qazaqstandyq qyzdyń Grýziiada óli tabylǵany týraly aqparat BAQ betterinde jaqynda paida boldy. Tergeý boljamy boiynsha, ony áldekim zorlaǵannan keiin jábirlenýshi ózine qol jumsaǵan. Marqumnyń máiiti 5 mamyrda Tbilisidegi úidiń aýlasynan tabylǵan.
Grýziialyq telearnalar 26 jastaǵy qazaqstandyq pen kúdikti Besik Tordýanyń áńgimesi jazylǵan aýdiojazbany jariialady. Aýdioda er adam marqumnyń namysyna tiip, ózine qol jumsaýǵa itermelegeni aitylady. Odan bólek, jazbada er adam jábirlenýshige qol jumsaǵan kezderi estilip qalǵan.
Marqumnyń anasy qyzynyń ólimine qatysty ádil sheshim shyqqanyn talap etip otyr. Onyń aitýynsha, iske Áseldi Grýziiaǵa alyp ketken kúieýbalasynyń da qatysy bolýy múmkin.
Grýziianyń Basprokýratýrasy kúdikti ustalǵanyn, oǵan qyzdy zorlaǵany úshin jáne qol jumsaýǵa itermelegeni úshin aiyp taǵyldy. Er adam 10 jylǵa bas bostandyǵynan aiyrylýy múmkin. Is boiynsha aldyn ala tyńdalym 23 maýsymda ótedi.
Is jynystyq qylmysqa qatysty bolǵandyqtan sot otyrystary BAQ-tyń qatysýynsyz jabyq ótedi.
