Grýziiada qaitys bolǵan qazaqstandyq Ásel Aitpaevanyń ólimine kúdikti retinde onyń alys jaqyny, iaǵni jezdesi - Murat Meiirbekov ustalyp, Nur-Sultandaǵy tergeý izoliatoryna qamaldy. Bul týraly ishki ister ministrligine tiesili polisia.kz saity habarlady.
"Aitpaevanyń týystarynyń aryzy boiynsha, M. Meiirbekov ústinen Qylmystyq kodekstiń 128-baby (Adam saýdasy) boiynsha qylmystyq is qozǵaldy" dep jazylǵan habarlamada.
Qazaqstan azamaty Ásel Aitpaeva 5 mamyr túnde Tbiliside qaitys bolǵan. Onyń máiitin kópqabatty úidiń mańynan tapqan. Grýziia tergeýshileri qyzdyń zorlanǵanyn málimdegen. Tbilisi politsiiasy kúdikti retinde Grýziianyń 57 jastaǵy azamaty Besik Tordýany qamaýǵa alǵany habarlaǵan. Oǵan "adam zorlady" jáne "sýitsidke jetkizdi" degen aiyp taǵyldy.
Grýziia bas prokýratýrasy Murat Meiirbekovke de syrttai aiyp taqqan. Prokýratýranyń dereginshe, Tordýa qyzdy zorlaǵan, keiin Aitpaeva segizinshi qabattyń balkonynan sekirip ketken.
Ásel óliminiń aldynda qurbysyna Tordýamen áńgimeniń aýdiosyn jiberip úlgergen. Ondaǵy er adamnyń daýys qyzǵa qoqań-loqy jasaidy.
Azattyqtyń Grýzin qyzmetiniń jazýynsha, Meiirbekov Ásel Aitpaevaǵa Grýziiadan avtomobil kompaniiasynan jumys taýyp bergen.
Azattyqtyń Grýzin qyzmeti Tordýanyń tergeýiniń kóshirmesin ala alǵan. Ol tergeýde qazaqstandyq seriktesimen sáýirdiń basynda "Qaztransavto" kompaniiasyn qurǵanyn, al Ásel Aitpaeva jezdesi Meiirbekovtiń shaqyrýymen 27 sáýirde kelgenin aitady.
Tordýanyń túsindirýinshe, Aitpaeva basynda Meiirbekovpen turǵan, keiin Aitpaeva oǵan Meiirbekov ózin eki ret zorlaǵanyn aitqan.
Tordýanyń sózinshe, "Meiirbekov tiisken soń" Aitpaeva onyń úiine turýǵa kelgen. Tordýa 4 mamyrda Aitpaevamen kelisim boiynsha jynystyq qatynasqa túskenin, keiin ózi dýshqa ketkende Aitpaeva úide bolmaǵanyn aitqan.
Aitpaevanyń Grýziiadaǵy advokaty Nino Andriashvili avtomobil kompaniiasy naqty nemen ainalysqanyn anyqtaý kerek dep sanaidy.
