گرۋزييادا قايتىس بولعان قازاقستاندىق ەسەل ايتپاەۆانىڭ ٶلٸمٸنە كٷدٸكتٸ رەتٸندە ونىڭ الىس جاقىنى, ياعني جەزدەسٸ - مۇرات مەيٸربەكوۆ ۇستالىپ, نۇر-سۇلتانداعى تەرگەۋ يزولياتورىنا قامالدى. بۇل تۋرالى ٸشكٸ ٸستەر مينيسترلٸگٸنە تيەسٸلٸ polisia.kz سايتى حابارلادى.
"ايتپاەۆانىڭ تۋىستارىنىڭ ارىزى بويىنشا, م. مەيٸربەكوۆ ٷستٸنەن قىلمىستىق كودەكستٸڭ 128-بابى (ادام ساۋداسى) بويىنشا قىلمىستىق ٸس قوزعالدى" دەپ جازىلعان حابارلامادا.
قازاقستان ازاماتى ەسەل ايتپاەۆا 5 مامىر تٷندە تبيليسيدە قايتىس بولعان. ونىڭ مەيٸتٸن كٶپقاباتتى ٷيدٸڭ ماڭىنان تاپقان. گرۋزييا تەرگەۋشٸلەرٸ قىزدىڭ زورلانعانىن مەلٸمدەگەن. تبيليسي پوليتسيياسى كٷدٸكتٸ رەتٸندە گرۋزييانىڭ 57 جاستاعى ازاماتى بەسيك توردۋانى قاماۋعا العانى حابارلاعان. وعان "ادام زورلادى" جەنە "سۋيتسيدكە جەتكٸزدٸ" دەگەن ايىپ تاعىلدى.
گرۋزييا باس پروكۋراتۋراسى مۇرات مەيٸربەكوۆكە دە سىرتتاي ايىپ تاققان. پروكۋراتۋرانىڭ دەرەگٸنشە, توردۋا قىزدى زورلاعان, كەيٸن ايتپاەۆا سەگٸزٸنشٸ قاباتتىڭ بالكونىنان سەكٸرٸپ كەتكەن.
ەسەل ٶلٸمٸنٸڭ الدىندا قۇربىسىنا توردۋامەن ەڭگٸمەنٸڭ اۋديوسىن جٸبەرٸپ ٷلگەرگەن. ونداعى ەر ادامنىڭ داۋىس قىزعا قوقاڭ-لوقى جاسايدى.
ازاتتىقتىڭ گرۋزين قىزمەتٸنٸڭ جازۋىنشا, مەيٸربەكوۆ ەسەل ايتپاەۆاعا گرۋزييادان اۆتوموبيل كومپانيياسىنان جۇمىس تاۋىپ بەرگەن.
ازاتتىقتىڭ گرۋزين قىزمەتٸ توردۋانىڭ تەرگەۋٸنٸڭ كٶشٸرمەسٸن الا العان. ول تەرگەۋدە قازاقستاندىق سەرٸكتەسٸمەن سەۋٸردٸڭ باسىندا "قازترانساۆتو" كومپانيياسىن قۇرعانىن, ال ەسەل ايتپاەۆا جەزدەسٸ مەيٸربەكوۆتٸڭ شاقىرۋىمەن 27 سەۋٸردە كەلگەنٸن ايتادى.
توردۋانىڭ تٷسٸندٸرۋٸنشە, ايتپاەۆا باسىندا مەيٸربەكوۆپەن تۇرعان, كەيٸن ايتپاەۆا وعان مەيٸربەكوۆ ٶزٸن ەكٸ رەت زورلاعانىن ايتقان.
توردۋانىڭ سٶزٸنشە, "مەيٸربەكوۆ تيٸسكەن سوڭ" ايتپاەۆا ونىڭ ٷيٸنە تۇرۋعا كەلگەن. توردۋا 4 مامىردا ايتپاەۆامەن كەلٸسٸم بويىنشا جىنىستىق قاتىناسقا تٷسكەنٸن, كەيٸن ٶزٸ دۋشقا كەتكەندە ايتپاەۆا ٷيدە بولماعانىن ايتقان.
ايتپاەۆانىڭ گرۋزيياداعى ادۆوكاتى نينو اندرياشۆيلي اۆتوموبيل كومپانيياسى ناقتى نەمەن اينالىسقانىن انىقتاۋ كەرەك دەپ سانايدى.
