Grýziiada koronavirýs juqtyrǵan alǵashqy jaǵdai tirkeldi, dep habarlaidy newsgeorgia.ge saity.
Bul týraly Grýziianyń densaýlyq saqtaý ministri Ekaterina Tikaradze men eldiń Aýrýdy baqylaý jáne qoǵamdyq densaýlyq jónindegi ulttyq ortalyq basshysy Amiran Gamkrelidze úkimet ákimshiliginde bolǵan brifingide málimdedi.
Infektsiia juqtyrǵan 50 jastaǵy er adam. Ol bir aptaǵa dosymen birge Iranǵa saiahattaǵan. Er adam Ázerbaijan arqyly Grýziiaǵa oralǵan. Shekarada odan aýrýdyń belgileri anyqtalǵan. Qazirgi ýaqytta er adam Tbilisi ortalyq juqpaly aýrýhanasynda karantinge jatqyzyldy. Bul rette naýqas emhanaǵa reanomobilmen jetkizilgen, jolai adamdarmen bailanysqa túspegen. Sondai-aq, onyń erip kelgen tanysy da tekserildi, biraq odan koronavirýs tabylmady.
«Bizde alańdaýǵa negiz joq, óitkeni Grýziiada infektsiia bolmaýy úshin barlyq sharalardy qabyldaimyz», — dep atap ótti Tikaradze. Ministr sondai-aq Grýziia úkimeti eki aptaǵa Ázerbaijanmen shekarany jabý týraly sheshim qabyldaǵanyn habarlady.
Sonymen qatar, Gamkrelidze Ázerbaijannan kelgen er adamnyń baǵdarlyq taksimen jetkenin aitty. Densaýlyq saqtaý ministrliginiń tiisti qyzmetteri barlyq yqtimal bailanystardy anyqtaý úshin virýs juqtyrǵan adamnyń barǵan jerlerin anyqtai bastady. Sondai-aq, Dúniejúzilik densaýlyq saqtaý uiymyna Grýziiadaǵy alǵashqy infektsiia juqtyrý jaǵdaiy týraly habarlanady.
Ministr bul virýs juqtyrý qaýpin tómendetetinin, sondai-aq infektsiia juqtyrǵan adamdarmen bailanysqan keden qyzmetkerleri de karantinge alynatynyn atap ótti.
Tbilisi juqpaly aýrýlar aýrýhanasynyń direktory Tengiz Tsertsvadze jýrnalisterge koronavirýs juqtyrǵan adamnyń jaǵdaiyn aityp berdi.
«Qazirgi ýaqytta onyń jaǵdaiy qanaǵattanarlyq, dene qyzýy kóterilmegen, ókpe qabynýy joq. Bul kezeńde onyń jaǵdaiy eshqandai intensivti terapiia júrgizýdi qajet etpeidi. Eger qajet bolsa, ol barlyq múmkin emdeý kezeńderinen ótedi», - dep málimdedi Tsertsvadze.
