گرۋزييادا كوروناۆيرۋس جۇقتىرعان العاشقى جاعداي تٸركەلدٸ, دەپ حابارلايدى newsgeorgia.ge سايتى.
بۇل تۋرالى گرۋزييانىڭ دەنساۋلىق ساقتاۋ مينيسترٸ ەكاتەرينا تيكارادزە مەن ەلدٸڭ اۋرۋدى باقىلاۋ جەنە قوعامدىق دەنساۋلىق جٶنٸندەگٸ ۇلتتىق ورتالىق باسشىسى اميران گامكرەليدزە ٷكٸمەت ەكٸمشٸلٸگٸندە بولعان بريفينگٸدە مەلٸمدەدٸ.
ينفەكتسييا جۇقتىرعان 50 جاستاعى ەر ادام. ول بٸر اپتاعا دوسىمەن بٸرگە يرانعا ساياحاتتاعان. ەر ادام ەزەربايجان ارقىلى گرۋزيياعا ورالعان. شەكارادا ودان اۋرۋدىڭ بەلگٸلەرٸ انىقتالعان. قازٸرگٸ ۋاقىتتا ەر ادام تبيليسي ورتالىق جۇقپالى اۋرۋحاناسىندا كارانتينگە جاتقىزىلدى. بۇل رەتتە ناۋقاس ەمحاناعا رەانوموبيلمەن جەتكٸزٸلگەن, جولاي ادامدارمەن بايلانىسقا تٷسپەگەن. سونداي-اق, ونىڭ ەرٸپ كەلگەن تانىسى دا تەكسەرٸلدٸ, بٸراق ودان كوروناۆيرۋس تابىلمادى.
«بٸزدە الاڭداۋعا نەگٸز جوق, ٶيتكەنٸ گرۋزييادا ينفەكتسييا بولماۋى ٷشٸن بارلىق شارالاردى قابىلدايمىز», — دەپ اتاپ ٶتتٸ تيكارادزە. مينيستر سونداي-اق گرۋزييا ٷكٸمەتٸ ەكٸ اپتاعا ەزەربايجانمەن شەكارانى جابۋ تۋرالى شەشٸم قابىلداعانىن حابارلادى.
سونىمەن قاتار, گامكرەليدزە ەزەربايجاننان كەلگەن ەر ادامنىڭ باعدارلىق تاكسيمەن جەتكەنٸن ايتتى. دەنساۋلىق ساقتاۋ مينيسترلٸگٸنٸڭ تيٸستٸ قىزمەتتەرٸ بارلىق ىقتيمال بايلانىستاردى انىقتاۋ ٷشٸن ۆيرۋس جۇقتىرعان ادامنىڭ بارعان جەرلەرٸن انىقتاي باستادى. سونداي-اق, دٷنيەجٷزٸلٸك دەنساۋلىق ساقتاۋ ۇيىمىنا گرۋزيياداعى العاشقى ينفەكتسييا جۇقتىرۋ جاعدايى تۋرالى حابارلانادى.
مينيستر بۇل ۆيرۋس جۇقتىرۋ قاۋپٸن تٶمەندەتەتٸنٸن, سونداي-اق ينفەكتسييا جۇقتىرعان ادامدارمەن بايلانىسقان كەدەن قىزمەتكەرلەرٸ دە كارانتينگە الىناتىنىن اتاپ ٶتتٸ.
تبيليسي جۇقپالى اۋرۋلار اۋرۋحاناسىنىڭ ديرەكتورى تەنگيز تسەرتسۆادزە جۋرناليستەرگە كوروناۆيرۋس جۇقتىرعان ادامنىڭ جاعدايىن ايتىپ بەردٸ.
«قازٸرگٸ ۋاقىتتا ونىڭ جاعدايى قاناعاتتانارلىق, دەنە قىزۋى كٶتەرٸلمەگەن, ٶكپە قابىنۋى جوق. بۇل كەزەڭدە ونىڭ جاعدايى ەشقانداي ينتەنسيۆتٸ تەراپييا جٷرگٸزۋدٸ قاجەت ەتپەيدٸ. ەگەر قاجەت بولسا, ول بارلىق مٷمكٸن ەمدەۋ كەزەڭدەرٸنەن ٶتەدٸ», - دەپ مەلٸمدەدٸ تسەرتسۆادزە.
