Grýziia úkimeti jańa qaýly qabyldady. Oǵan sáikes, infektsiia juqtyrǵan naýqaspen jaqyn bailanysta bolǵan tulǵalar dereý oqshaýlanýǵa nemese testileýden ótpei karantinge aýysýy kerek.
Bul týraly eldiń Aýrýdy baqylaý jáne qoǵamdyq densaýlyq saqtaý jónindegi ulttyq ortalyq basshysy Amiran Gamkrelidze brifing barysynda málim etti, dep habarlaidy «Novosti-Grýziia» agenttigi.
Ol búgingi kúnde Grýziiada simptomsyz patsientter sany 30-dan 40%-ǵa deiin aýytqyp otyrǵanyn habarlady.
Simptomsyz patsientter karantin men oqshaýlanýdyń 12 kúni ótkennen keiin qalypty ómir saltyna orala alady. Mundai jaǵdaida test te tapsyrmaidy.
Eger oqshaýlaý kezinde naýqastardyń birinen aýrý belgileri anyqtalǵan jaǵdaida olar bul týraly dárigerge habarlap, PTR testten ótýi tiis. Eger test oń nátije kórsetse, patsient ázirlengen hattamaǵa sáikes úige nemese statsionarǵa jiberiledi.
Budan bólek elge kelgen azamattar úshin de karantin erejeleri ózgerdi. Shetelden kelgender burynǵydai karantinge jiberiledi, biraq segizinshi kúni olar zerthanaalyq PTR test emes, antidenege negizdelgen joǵary sapaly «jyldam test» tapsyrady.
Eger test nátijesi teris bolsa, olar karantinnen shyǵa alady. Al test nátijesi kúmán týdyrsa, onda zerthanalyq PTR test tapsyratyn bolady.
«Adamdar karantinde nemese oqshaýlaýda bosqa kútip qalmas úshin osyndai sharalar jasalyp jatyr», — dep atap ótti Gamkrelidze.
Ortalyq basshysy koronavirýsqa qarsy vaktsina 2021 jylǵy kóktemde qoljetimdi bolady dep sanaidy.
«Bir ýaqytta jeti milliard adamǵa vaktsina salý múmkin emes ekeni anyq. Sondyqtan negizgi basymdyq tiimdi dári-dármekke beriledi», — dedi Gamkrelidze.
