گرۋزييا ٷكٸمەتٸ جاڭا قاۋلى قابىلدادى. وعان سەيكەس, ينفەكتسييا جۇقتىرعان ناۋقاسپەن جاقىن بايلانىستا بولعان تۇلعالار دەرەۋ وقشاۋلانۋعا نەمەسە تەستٸلەۋدەن ٶتپەي كارانتينگە اۋىسۋى كەرەك.
بۇل تۋرالى ەلدٸڭ اۋرۋدى باقىلاۋ جەنە قوعامدىق دەنساۋلىق ساقتاۋ جٶنٸندەگٸ ۇلتتىق ورتالىق باسشىسى اميران گامكرەليدزە بريفينگ بارىسىندا مەلٸم ەتتٸ, دەپ حابارلايدى «نوۆوستي-گرۋزييا» اگەنتتٸگٸ.
ول بٷگٸنگٸ كٷندە گرۋزييادا سيمپتومسىز پاتسيەنتتەر سانى 30-دان 40%-عا دەيٸن اۋىتقىپ وتىرعانىن حابارلادى.
سيمپتومسىز پاتسيەنتتەر كارانتين مەن وقشاۋلانۋدىڭ 12 كٷنٸ ٶتكەننەن كەيٸن قالىپتى ٶمٸر سالتىنا ورالا الادى. مۇنداي جاعدايدا تەست تە تاپسىرمايدى.
ەگەر وقشاۋلاۋ كەزٸندە ناۋقاستاردىڭ بٸرٸنەن اۋرۋ بەلگٸلەرٸ انىقتالعان جاعدايدا ولار بۇل تۋرالى دەرٸگەرگە حابارلاپ, پتر تەستتەن ٶتۋٸ تيٸس. ەگەر تەست وڭ نەتيجە كٶرسەتسە, پاتسيەنت ەزٸرلەنگەن حاتتاماعا سەيكەس ٷيگە نەمەسە ستاتسيونارعا جٸبەرٸلەدٸ.
بۇدان بٶلەك ەلگە كەلگەن ازاماتتار ٷشٸن دە كارانتين ەرەجەلەرٸ ٶزگەردٸ. شەتەلدەن كەلگەندەر بۇرىنعىداي كارانتينگە جٸبەرٸلەدٸ, بٸراق سەگٸزٸنشٸ كٷنٸ ولار زەرتحاناالىق پتر تەست ەمەس, انتيدەنەگە نەگٸزدەلگەن جوعارى ساپالى «جىلدام تەست» تاپسىرادى.
ەگەر تەست نەتيجەسٸ تەرٸس بولسا, ولار كارانتيننەن شىعا الادى. ال تەست نەتيجەسٸ كٷمەن تۋدىرسا, وندا زەرتحانالىق پتر تەست تاپسىراتىن بولادى.
«ادامدار كارانتيندە نەمەسە وقشاۋلاۋدا بوسقا كٷتٸپ قالماس ٷشٸن وسىنداي شارالار جاسالىپ جاتىر», — دەپ اتاپ ٶتتٸ گامكرەليدزە.
ورتالىق باسشىسى كوروناۆيرۋسقا قارسى ۆاكتسينا 2021 جىلعى كٶكتەمدە قولجەتٸمدٸ بولادى دەپ سانايدى.
«بٸر ۋاقىتتا جەتٸ ميلليارد ادامعا ۆاكتسينا سالۋ مٷمكٸن ەمەس ەكەنٸ انىق. سوندىقتان نەگٸزگٸ باسىمدىق تيٸمدٸ دەرٸ-دەرمەككە بەرٸلەدٸ», — دەدٸ گامكرەليدزە.
