QR Ishki ister ministri Erlan Turǵymbaev 26 jastaǵy Ásel Aitpaevanyń Grýziiada qaza bolýy jóninde pikir bildirdi, dep habarlaidy QazAqparat.
«Osy qylmystyq is boiynsha bizde birqatar tergeý jumystary júrgizilip, adam saýdasy týraly is qozǵaldy. Qazir negizgi aiyptalýshy ustaldy, qamaýǵa alyndy, tergeýde otyr, birneshe tergeý amaldary júrgizilýde», - dep jaýap berdi Turǵymbaev Ortalyq kommýnikatsiialar qyzmetinde tilshi suraǵyna.
Sonymen birge, ministr Grýziiada óz-ózine qol jumsaýǵa itermeleý faktisi boiynsha qatar tergeý júrip jatqanyn jetkizdi.
«Biz Grýziia politsiiasymen tyǵyz bailanysta jumys isteýdemiz. Men munda tergeý materialdary tergeý áreketteri aiaqtalǵansha jariia etilmeitinin aitqym keledi. Tergeý áriptesterimizben tyǵyz bailanysta jalǵasýda», - dedi Erlan Turǵymbaev.
Eske sala keteiik, 26 jastaǵy Ásel Aitpaevanyń denesi 5 mamyr kúni Tbilisi qalasyndaǵy bir úidiń terezesiniń astynan tabylǵan edi. Ol 9-qabattan qulap mert bolǵan.
Keiinnen Grýziia prokýratýrasy qazaqstandyq qyzdy zorlaý jáne óz-ózine qol jumsaýǵa itermeleý isi boiynsha aiyptaý shyǵardy.
16 mamyr kúni Nur-Sultan qalasynyń politsiia departamentinen málim etkendei, boijetkenniń ata-anasynyń aryzy boiynsha onyń týysy M.Meiirbekov ustalyp, oǵan qatysty Qylmystyq kodekstiń 128-babymen (adam saýdasy) sotqa deiingi tergeý bastaldy.
