Foto: jnews.ge
Grýziiada parlament depýtattary sheteldik agentter týraly zań jobasyn qaraý kezinde janjal shyǵardy, - dep habarlaidy Tengrinews.kz portaly Grýziia Online saityna silteme jasap.
Oqiǵa parlamenttiń zań komiteti otyrysynda boldy, onda sheteldik agentterge qatysty eki daýly zań jobasy qaralyp jatyr. Kezdesý barysynda komitet tóraǵasy Anri Ohanashvili men oppozitsiialyq depýtattar arasynda janjal shyqqan.
"Otanyń joq, kimniń múddesine qyzmet etesiń? Seniń Otanyń joq. Sende memlekettilik sezimi joq", - deidi Ohanashvili "Strategiia Agmashenebeli" partiiasynyń jetekshisi Georgii Vashadzege.
Osy epizodtan keiin birneshe depýtat, sonyń ishinde Vashadze de otyrys zalynan shyǵarylady.
Zań jobalaryn talqylaýmen qatar parlamentke irgeles aýmaqta narazylyq aktsiiasy ótip jatyr. Sherýshiler zańnyń qabyldanýyna qarsy. Grýziianyń úkimettik emes uiymdary, buqaralyq aqparat quraldary, kásipodaqtar jáne basqa da uiymdar da zań jobasyna qarsylyq bildirdi.
