Grýziia men Ázerbaijannan 4 myńnan asa avtokólik kelgen, - dep habarlaidy Tengrinews.kz tilshisi Qarjy ministrligi Memlekettik kirister komitetine silteme jasap.
Vedomstvo málimetinshe, mundai kólik quraldary bir jylǵa ýaqytsha alyp kelgen jaǵdaida kedendik bajdar men salyqtardy tóleýden bosatylǵan.
"Ýaqytsha ákelingen kólik quraldaryn satyp alýǵa jáne Qazaqstan aýmaǵynda paidalanýǵa tek kedendik tazartýdan soń jáne tiesili kedendik alymdardy jáne salyqtardy tólegen soń ǵana ruqsat beriledi. Jeke paidalanýǵa arnalǵan sheteldik kólik quraldaryn, shetel azamattary óz kólik quraldaryn ákelgennen soń Qazaqstannyń aýmaǵynan biraz ýaqyttan keiin ketip qalatyny baiqaldy (bular negizinen Grýziia men Ázerbaijan azamattary)", - delingen habarlamada.
Jalpy, 2020 jyldan bastap deiin QR aýmaǵyna Grýziia men Ázerbaijannan 4157 avtokólik kelgen.
"Onyń ishinde 2130 avtokólik boiynsha QR aýmaǵynda ýaqytsha júrýdiń merzimi ótip ketken. Mańǵystaý jáne Túrkistan oblystary boiynsha memlekettik kirister departamentterimen tiesili kedendik alymdardy jáne salyqtardy tólemesten QR aýmaǵynda tirkelgen avtokólik quraldaryna bailanysty jeke tulǵalarǵa 230 habarlama tabystaldy", - delingen habarlamada.
Bul aýmaqtyq memlekettik kirister departamentterimen 2021 jyldyń 30 qyrkúieginen keiin shyǵarylǵan 300 avtokólik ielerine 6,6 million teńge mólsherinde ákimshilik aiyppuldar salynyp, óndirilgen.
Vedomstvo málimetinshe, Eýraziialyq ekonomikalyq odaqtyń (EAEO) keden aýmaǵyna úshinshi elderden ýaqytsha ákelingen kólik quraldary óz mártebesi boiynsha sheteldik taýarlar bolyp tabylady (iaǵni EAEO taýarlary bolyp tabylmaidy) jáne kedendik baqylaýda bolady. Jeke paidalanýǵa arnalǵan kólik quraldaryn Odaqqa múshe bolyp tabylmaityn memlekette tirkelgen sheteldik jeke tulǵalardyń Odaqtyń kedendik aýmaǵyna ýaqytsha 1 jyldan aspaityn merzimge ákelýine ruqsat etiledi. Al ýaqytsha ákelingen kólik quraldy deklaranttyń ózi ǵana basqarýǵa quqyly jáne ony bireýge tapsyrýǵa nemese senimhat arqyly satýǵa tyiym salynady.
"Ýaqytsha ákelý merzimi aiaqtalǵannan keiin avtokólik quraldary EAEO aýmaǵynan shyǵyp ketýi qajet, alaida shyǵyp ketpegen jaǵdaida EAEO qoldanystaǵy zańnamasyna sáikes tiisti sharalar qoldanylatyn bolady. Sheteldik kólik quraldarynyń shyǵarylýy Eýraziialyq ekonomikalyq odaqtyń aýmaǵynan tys júzege asyrylýy qajet sheteldik kólik quraldardy shyǵarý týraly mindetteme EAEO elderiniń aýmaǵynyń barlyǵyna qoldanylady. Sheteldik azamattar kólik quraldaryn shyǵarýǵa óziniń múmkindigi bolmaǵan jaǵdaida tasymaldaýshynyń kómegimen shyǵarýyna bolady, sonymen qatar sheteldik azamattar kólik quraldaryn shyǵarýǵa jáne turatyn memleketine qaitý úshin memlekettik shekaradan ótýine bolady", - delingen habarlamada.
Aita keteiik, osyǵan deiin, koronavirýstyq infektsiianyń (COVID-2019) aldyn alýǵa jáne taralýyna jol bermeýge baǵyttalǵan sharalardy qabyldaýǵa bailanysty qalyptasqan jaǵdaida ýaqytsha ákelý merzimin 2021 jyldyń 30 qyrkúiegine deiin (keden organynyń ruqsatynsyz jáne kedendik deklaratsiiasyz) uzartý týraly sheshim qabyldanǵan bolatyn.
