Pavlodar oblysynyń ákimi Ábilqaiyr Sqaqov «Gremmi» syilyǵyna úmitker mýzykant Imanbek Zeikenovpen kezdesti, dep habarlaidy "Ult aqparat".
Pavlodar oblysy ákimdiginen málim etkendei, Ábilqaiyr Sqaqov pavlodarlyq mýzykantqa qajetti qoldaý kórsetýge ýáde berip, oǵan jankúier bolatynyn aitty.
Óz kezeginde Imanbek Remix laqap atymen tanymal Imanbek Zeikenov óńir basshysyna qazir de týǵan Aqsý qalasynda ata-anasymen birge turyp jatqanyn jetkizdi. Biyl ol Toraiǵyrov ýniversitetine oqýǵa tústi, biraq qazir qashyqtan oqyp jatyr.
Aita ketsek, «Gremmi» syilyǵynyń jeńimpazdaryn jariialaý 2021 jyldyń 31 qańtarynda ótedi. Al 20 jastaǵy mýzykantymyz tanymal álemdik ártistermen birlesip, ortaq joba daiyndap jatyr.
«Bárimiz sen úshin jankúier bolamyz. Sen bizdiń óńirdiń ǵana emes, búkil Qazaqstannyń naǵyz maqtanyshysyń. Qajet bolǵan jaǵdaida, bizdiń tarapymyzdan kez kelgen kómek kórsetiletinine senimdi bol», - dedi Ábilqaiyr Sqaqov.
Mýzykant ákimge alǵysyn bildirdi.
Sondai-aq onyń aitýynsha, tanymal bolyp ketken «Roses» remiksin jasaý úshin bar bolǵany 2 saǵat 20 minýt ýaqyty ketken.
«Buryn mýzyka salasynda bárin bailanys pen aqsha sheshedi dep oilaitynmyn. Biraq ózime qarap, bulai emes ekenine kózim jetti. Shyn máninde basynda meniń jolym bolyp ketti deýge bolady. Keiin menimen áriptestik ornatqan leibl jigitterimen kóp jumystar atqardyq. Mýzykany jazý barysynda adamdar oǵan qalai bileitinin, áýen qandai emotsiialar týdyratynyn elestetemin», - dep bólisti Imanbek.
Óńir basshysy Imanbekke árdaiym jetistikke senýdi jáne óz betinshe biikterge qol jetkizgen qarapaiym jigit bolyp qalýdy tiledi. Ábilqaiyr Sqaqov mýzykantqa óziniń telefon nómirin berip, qajet bolǵan jaǵdaida qońyraý shalýdy usyndy.
Imanbek Zeikenov - aqsýlyq didjei jáne mýzykalyq prodiýser. Oǵan Saint jhn «Roses» ánine jazǵan remiks úlken tanymaldyq ákeldi. Bul trek «Úzdik remiks» nominatsiiasynda 2020 jylǵy Gremmi syilyǵyna usynyldy.
