Grekiia úkimetiniń basshysy Kiriakos Mitsotakis 24 qazannan bastap COVID-19 qaýipti virýsyna qarsy is-áreketter qoldaný maqsatynda jańa karantin shekteýleri engiziletinin málimdedi. Bul týraly Keep Talking Greece basylymy.
Senbi, 24 qazan kúngi tańǵy saǵat 6-dan bastap elde maska taǵý rejimi engiziledi. Endi turǵyndar maskany tek ǵimarat ishinde ǵana emes, kóshelerde taǵýǵa da mindetti bolady.
Budan basqa, epidemiialyq jaǵdaiy kúrdeli aimaqtarda komendanttyq saǵat engiziledi. Ol túngi saǵat 00:30-dan tańǵy 5:00-ge deiin sozylady.
Sońǵy táýlik ishinde Grekiiada koronavirýs juqtyrýdyń 882 jańa oqiǵasy tirkelgen. Bul - elde epidemiia bastalǵaly eń úlken kórsetkish. Basylymnyń atap ótýinshe, karantindik shekteýlerdiń engizilýine indettiń órshýi sebep bolǵan.
Sońǵy málimetter boiynsha, Grekiiada COVID-19 virýsyna shaldyǵýdyń 28 216 oqiǵasy rastalǵan, koronavirýs infektsiiasynan 549 adam qaitys boldy.
