Qazaqstandyq balýandar Almatyda kúres túrlerinen ótip jatqan Aziia chempionatynda júldegerler qatarynan kórindi, dep habarlaidy "Ult aqparat".
Grek-rim kúresinen 60 kelige deiingi salmaqta Aidos Sultanǵali chempiondyq ataqqa qol jetkizdi. Ol finalda irandyq Mehdi Nijadty 8:4 esebimen tize búktirdi. Qazaqstandyq balýan buǵan deiin shirek jáne jartylai final satysynda Ońtústik Koreia jáne Irak balýandaryn qapy qaldyryp ketti.
Qyzylorda oblysynyń ókili 2015 jyly jasóspirimder, 2016 jyly jastar arasynda Aziia chempiony boldy. Al 2017 jyly jabyq keshendegi Aziia oiyndarynyń jáne Álem chempionatynyń qola júldegeri, 2018 jyly eresekter arasynda Əlem chempionatynyń qola júldegeri atandy. Sondai-aq, 2019 jyly Búkilálemdik áskeriler oiynynyń qola júldesin ielendi.
Aziia birinshiliginde keshe 63 kelige deiingi salmaqta Sultan Ásetuly jeńimpaz tuǵyrynan kórindi.
Al 57 kelide Almat Kebisbaev pen 130 kelide Álimhan Syzdyqov týrnirdiń kúmis júldeger atandy.
Aita keteiik, 13 sáýirde Almatyda kúres túrlerinen Aziia chempionaty bastalǵan edi.
