Jemqorlyqqa qarsy memleketter tobynyń (GRECO) atqarýshy hatshysy Djanlýka Espozito Nur-Sultandaǵy Antikor Ortalygy-nyń jumysymen tanysty, dep habarlaidy QazAqparat tilshisi.
Nur Sultanǵa saparynyń alǵashqy kúninde Djanlýka Espozito elordadaǵy Tsifrlyq halyqqa qyzmet kórsetý ortalyǵynda, QR Sybailas jemqorlyqqa qarsy is-qimyl agenttiginiń Nur-Sultan qalasy boiynsha departamentinde, osy departament ǵimaratynda ornalasqan Antikor Ortalygy-nda boldy. Ortalyqtyń jumysymen ony Sybailas jemqorlyqqa qarsy is-qimyl agenttiginiń tóraǵasy Alik Shpekbaev tanystyrdy.
«Ózderińizge belgili, Qazaqstan jaqynda sybailas jemqorlyqqa qarsy memleketter toby - GRECO qataryna engen bolatyn. Bul - meniń GRECO atqarýshy direktory retindegi Qazaqstanǵa alǵashqy saparym. Úkimetterińizdiń jasap jatqan tehnologiialyq sipattaǵy qadamdary meni tamsandyryp otyr. Tańerteń Halyqqa qyzmet kórsetý ortalyqtaryna bardym. Aita ketý kerek, tsifrlandyrý - sybailas jemqorlyqty azaitýdyń bir ádisi. Elektrondy úkimet aiasynda kórsetiletin barlyq qyzmetter men jobalar óte mańyzdy jáne qajet», - dedi Djanlýka Espozito Antikor ortalyǵynda tilshilerdiń suraǵyna jaýap bere otyryp.
Esterińizge sala keteiik, búginde Nur Sultan qalalyq sybailas jemqorlyqqa qarsy is-qimyl departamenti - elde birinshi bolyp «Open space» formatyna ótken quqyq qorǵaý organy. Sondai-aq, sheteldik qonaqqa «Astana - adaldyq alańy» jobasy aiasynda ashylǵan «Ashyq biýdjetterdiń interaktivti kartasy» jobasy tanystyryldy. Bul biýdjet qarajatynyń jumsalýyn qoǵam bolyp baqylaýǵa múmkindik beredi.
Aita ketsek, 2020 jyldyń 1 qańtarynan bastap Qazaqstan GRECO-ǵa múshe 50-shi memleket atandy. Qazirgi ýaqytta GRECO quramyna Eýropa, Soltústik Amerika men Aziia qurlyqtarynda ornalasqan, jalpy sany shamamen 1,2 milliard adam turatyn memleketter kiredi.
