Las-Vegas qalasynda ótken boks keshinde WBA (Super), IBO, WBC jáne IBF tujyrymdary boiynsha álem chempiony, otandasymyz Gennadii Golovkin (37-0, 33 KO) men meksikalyq Saýl «Kanelo» Alvares arasyndaǵy (49-1-1, 34 KO) jekpe-jek tóreshiler sheshimimen teń aiaqtaldy. Sol arqyly otandasymyz óziniń barlyq titýlyn saqtap qaldy, - dep habarlaidy "Ult aqparat".
Bir tóreshi jeńisti Alvareske, al ekinshisi Golovkinge berse, úshinshi tóreshi qos boksshy teń tústi dep eseptegen (114:114).
Jerlesimiz alǵashqy raýndtan bastap shabýylǵa kóship, meksikalyq boksshyny qyspaqqa alǵan. Alaida Alvares te qarap qalmai, artqa sheginse de, qarymta soqqylaryn jasap júrdi. Keiingi raýndtarda eki boksshy da ádemi soqqylaryn daryta bildi. Saýatty djebter men aperkottar jasaldy.
Besinshi raýndta Golovkin óz qarsylasyn buryshqa tirep, seriialyq soqqylar jasady. Alaida Alvares túk bolmaǵandai jai ǵana basyn shaiqap júrdi. Sosyn lezde alǵa qarai atylyp, shabýylǵa umtyldy. GGG ony taǵy da buryshqa tyqsyrdy. "Kanelo" qarymta shabýyldarmen jaýap berip otyrdy. Golovkinniń barlyq djebteri dittegen jerine jetti. Alvares bolsa, birneshe aýyr aperkotyn jasap úlgerdi. 6-raýndta Golovkin óte jaqsy boks kórsetti. 7-raýndta boksshylar alma-kezek soqqy almasýmen boldy. Al onynshy raýndta GGG aýyr eki soqqy ótkizip aldy. Degenmen, birden jinaqtalyp, óz shabýylyn jalǵastyrdy. Sońǵy raýndta meksikalyq boksshy óz qarqynyn údetti. Seriialyq soqqylaryn da iske asyra bildi. Alaida Golovkin de qaitqan joq. Barlyq soqqylardy qabyldap, ashyq bokstasýǵa shaqyrdy. Sóitip, tolyq 12 raýnd boiy bokstasyp shyqty.
Aita keteiik, Golovkin - "Kanelo" jekpe-jegi Las-Vegastaǵy (AQSh, Nevada) T-Mobile Arena arenasynda ótti. Boks keshi Astana ýaqyty boiynsha tańǵy 06:00-den bastap Qazaqstan jáne QazSport telearnalarynan tikelei efirden kórsetildi. AQSh-ta bul jekpe-jek (PPV) aqyly júie arqyly kórsetildi. Bir televizordan kórý quny 75 dollar boldy.
34 jastaǵy Golovkin kásipqoi boksta 38-kezdesýin ótkizip, alǵash ret jekpe-jekti teń aiaqtady. Al 26 jastaǵy Alvares 52-kezdesýin ótkizip, ekinshi ret teń túsip otyr. Ol osyǵan deiin Floid Meivezerden bir ret jeńilgen. Al 49 kezdesýde jeńgen.
