لاس-ۆەگاس قالاسىندا ٶتكەن بوكس كەشٸندە WBA (Super), IBO, WBC جەنە IBF تۇجىرىمدارى بويىنشا ەلەم چەمپيونى, وتانداسىمىز گەنناديي گولوۆكين (37-0, 33 كو) مەن مەكسيكالىق ساۋل «كانەلو» الۆارەس اراسىنداعى (49-1-1, 34 كو) جەكپە-جەك تٶرەشٸلەر شەشٸمٸمەن تەڭ اياقتالدى. سول ارقىلى وتانداسىمىز ٶزٸنٸڭ بارلىق تيتۋلىن ساقتاپ قالدى, - دەپ حابارلايدى "ۇلت اقپارات".
بٸر تٶرەشٸ جەڭٸستٸ الۆارەسكە, ال ەكٸنشٸسٸ گولوۆكينگە بەرسە, ٷشٸنشٸ تٶرەشٸ قوس بوكسشى تەڭ تٷستٸ دەپ ەسەپتەگەن (114:114).
جەرلەسٸمٸز العاشقى راۋندتان باستاپ شابۋىلعا كٶشٸپ, مەكسيكالىق بوكسشىنى قىسپاققا العان. الايدا الۆارەس تە قاراپ قالماي, ارتقا شەگٸنسە دە, قارىمتا سوققىلارىن جاساپ جٷردٸ. كەيٸنگٸ راۋندتاردا ەكٸ بوكسشى دا ەدەمٸ سوققىلارىن دارىتا بٸلدٸ. ساۋاتتى دجەبتەر مەن اپەركوتتار جاسالدى.
بەسٸنشٸ راۋندتا گولوۆكين ٶز قارسىلاسىن بۇرىشقا تٸرەپ, سەرييالىق سوققىلار جاسادى. الايدا الۆارەس تٷك بولماعانداي جاي عانا باسىن شايقاپ جٷردٸ. سوسىن لەزدە العا قاراي اتىلىپ, شابۋىلعا ۇمتىلدى. GGG ونى تاعى دا بۇرىشقا تىقسىردى. "كانەلو" قارىمتا شابۋىلدارمەن جاۋاپ بەرٸپ وتىردى. گولوۆكيننٸڭ بارلىق دجەبتەرٸ دٸتتەگەن جەرٸنە جەتتٸ. الۆارەس بولسا, بٸرنەشە اۋىر اپەركوتىن جاساپ ٷلگەردٸ. 6-راۋندتا گولوۆكين ٶتە جاقسى بوكس كٶرسەتتٸ. 7-راۋندتا بوكسشىلار الما-كەزەك سوققى الماسۋمەن بولدى. ال ونىنشى راۋندتا GGG اۋىر ەكٸ سوققى ٶتكٸزٸپ الدى. دەگەنمەن, بٸردەن جيناقتالىپ, ٶز شابۋىلىن جالعاستىردى. سوڭعى راۋندتا مەكسيكالىق بوكسشى ٶز قارقىنىن ٷدەتتٸ. سەرييالىق سوققىلارىن دا ٸسكە اسىرا بٸلدٸ. الايدا گولوۆكين دە قايتقان جوق. بارلىق سوققىلاردى قابىلداپ, اشىق بوكستاسۋعا شاقىردى. سٶيتٸپ, تولىق 12 راۋند بويى بوكستاسىپ شىقتى.
ايتا كەتەيٸك, گولوۆكين - "كانەلو" جەكپە-جەگٸ لاس-ۆەگاستاعى (اقش, نەۆادا) T-Mobile Arena ارەناسىندا ٶتتٸ. بوكس كەشٸ استانا ۋاقىتى بويىنشا تاڭعى 06:00-دەن باستاپ Qazaqstan جەنە QazSport تەلەارنالارىنان تٸكەلەي ەفيردەن كٶرسەتٸلدٸ. اقش-تا بۇل جەكپە-جەك (PPV) اقىلى جٷيە ارقىلى كٶرسەتٸلدٸ. بٸر تەلەۆيزوردان كٶرۋ قۇنى 75 دوللار بولدى.
34 جاستاعى گولوۆكين كەسٸپقوي بوكستا 38-كەزدەسۋٸن ٶتكٸزٸپ, العاش رەت جەكپە-جەكتٸ تەڭ اياقتادى. ال 26 جاستاعى الۆارەس 52-كەزدەسۋٸن ٶتكٸزٸپ, ەكٸنشٸ رەت تەڭ تٷسٸپ وتىر. ول وسىعان دەيٸن فلويد مەيۆەزەردەن بٸر رەت جەڭٸلگەن. ال 49 كەزدەسۋدە جەڭگەن.
