Google-diń injener-programisi Arai Sabyrjan Prezident Qasym-Jomart Toqaevqa álemdik IT kompaniiadaǵy jumysy týraly aityp berdi, dep habarlaidy QazAqparat.
«2017 jyly Halyqaralyq aqparattyq tehnologiialar ýniversitetinde (Almaty qalasy) kompiýter salasynan «bakalavr» dárejesin aldym. 2017 jyly San-Frantsiskoǵa kelip, biraz startap kompaniialarda jumys istedim. Qazirgi kúnde Google kompaniiasynda virtýaldy mashinalardyń baǵdarlamashysymyn», - dedi ol Niý-Iorkte Memleket basshysymen kezdesýde.
Qasym-Jomart Toqaev Google kompaniiasymen kelisimsharty qandai merzimge jasalǵanyn surady. Jas daryn kelisimshart tolyq merzimge jasalǵanyn málim etti.
Áńgime barysynda QR Prezidenti oǵan Qazaqstanǵa qaityp kelýdi usyndy. «Amerikada jaqsy, biraq Qazaqstan degen keremet qoi. Men oilaimyn, siz Qazaqstanda da istei alasyz», - dedi Memleket basshysy.
Buǵan deiin habarlaǵanymyzdai, 19 qyrkúiekte AQSh-ǵa jumys saparymen barǵan QR Prezidenti shetelde turatyn ári álemniń jetekshi tehnologiialyq kompaniialarynda jumys istep jatqan 400 qazaqstandyqty biriktiretin Digital Nomads IT qoǵamdastyǵynyń ókilderimen kezdesti.
Sondai-aq, Memleket basshysy birqatar kelissóz ótkizdi. Atap aitqanda, jahandyq qarjy institýttarynyń jetekshilerimen, Grupo Los Grobo kompaniiasynyń tóraǵasy Gýstavo Grobokopatelmen jáne Halyqaralyq damý ortalyǵy ósim zerthanasynyń direktory, Garvard ýniversitetiniń professory Rikardo Haýsmanmen, JPMorgan Chase & Co. kompaniiasynyń tóraǵasy – bas atqarýshy direktory Djeimi Daimonmen, Eurasia Group kompaniiasynyń prezidenti Ian Bremmermen, S&P Global qarjylyq-taldaý kompaniiasynyń vitse-prezidenti Deniel Erginmen, Avstraliianyń burynǵy premer-ministri Kevin Raddpen, ERAM systems kompaniiasynyń negizin qalaýshy jáne direktorlar keńesiniń tóraǵasy Arkadii Dobkinmen, Coursera kompaniiasynyń bas direktory Djeff Madjionkalmen, Microsoft kompaniiasynyń Ortalyq Aziia jáne Shyǵys Eýropa boiynsha bas menedjeri Mishel Simmonspen, Dúniejúzilik ekonomikalyq forýmnyń negizin qalaýshy ári atqarýshy direktory Klaýs Shvabpen, AQSh-tyń USAID halyqaralyq damý agenttiginiń ákimshisi Samanta Paýermen kezdesti.
