Reseidiń birneshe provaideri Google kompaniiasynan tutynýshylarǵa arnalǵan servisteriniń jumysyn jedeldetetin serverlerine qyzmet kórsetý týraly kelisim úziletini týraly habar aldy. Bul áreket olardyń klientteriniń, mysaly YouTube arnasynyń jumysyn baiaýlatady. Bul jóninde 26 mamyrda RBK habarlady.
Agenttik materialyna qaraǵanda, sóz - shaǵyn internet-provaiderler týraly, iri provaider ondai habar almaǵan. Reseidiń aimaqtardaǵy provaiderlerinen ózge Google Ýkrainanyń Donetsk jáne Lýgansk oblystaryndaǵy operatorlardy júktemeni jedeldetý qyzmetinen aiyrǵan, - dep jazady "OrderKom" telegram-arnasy.
Reseide Google keiingi kezde únemi problemaǵa kez bolyp jatyr. Ýkrainaǵa basyp kirgen soń, naýryzda korporatsiia Resei rynogyna arnalǵan óz servisterin jarnamamen aqsha tabý múmkindiginen ajyratqan edi.
Google kompaniiasynyń Reseidegi zańdy tulǵasy bilik tyiym salǵan kontentti joimaǵany úshin shoty buǵattalǵannan keiin bankrot protsedýrasyn ótkerip jatyr.
Munan ózge Google-dyń Reseidegi "enshiles" kompaniiasynyń ústinen sanktsiiaǵa bailanysty YouTube arnasyndaǵy akkaýnttary buǵattalyp qalǵan Reseidiń birqatar baspasózi sotqa shaǵym túsirgen.
