رەسەيدٸڭ بٸرنەشە پروۆايدەرٸ Google كومپانيياسىنان تۇتىنۋشىلارعا ارنالعان سەرۆيستەرٸنٸڭ جۇمىسىن جەدەلدەتەتٸن سەرۆەرلەرٸنە قىزمەت كٶرسەتۋ تۋرالى كەلٸسٸم ٷزٸلەتٸنٸ تۋرالى حابار الدى. بۇل ەرەكەت ولاردىڭ كليەنتتەرٸنٸڭ, مىسالى YouTube ارناسىنىڭ جۇمىسىن باياۋلاتادى. بۇل جٶنٸندە 26 مامىردا ربك حابارلادى.
اگەنتتٸك ماتەريالىنا قاراعاندا, سٶز - شاعىن ينتەرنەت-پروۆايدەرلەر تۋرالى, ٸرٸ پروۆايدەر ونداي حابار الماعان. رەسەيدٸڭ ايماقتارداعى پروۆايدەرلەرٸنەن ٶزگە Google ۋكراينانىڭ دونەتسك جەنە لۋگانسك وبلىستارىنداعى وپەراتورلاردى جٷكتەمەنٸ جەدەلدەتۋ قىزمەتٸنەن ايىرعان, - دەپ جازادى "وردەركوم" telegram-ارناسى.
رەسەيدە Google كەيٸنگٸ كەزدە ٷنەمٸ پروبلەماعا كەز بولىپ جاتىر. ۋكرايناعا باسىپ كٸرگەن سوڭ, ناۋرىزدا كورپوراتسييا رەسەي رىنوگىنا ارنالعان ٶز سەرۆيستەرٸن جارنامامەن اقشا تابۋ مٷمكٸندٸگٸنەن اجىراتقان ەدٸ.
Google كومپانيياسىنىڭ رەسەيدەگٸ زاڭدى تۇلعاسى بيلٸك تىيىم سالعان كونتەنتتٸ جويماعانى ٷشٸن شوتى بۇعاتتالعاننان كەيٸن بانكروت پروتسەدۋراسىن ٶتكەرٸپ جاتىر.
مۇنان ٶزگە Google-دىڭ رەسەيدەگٸ "ەنشٸلەس" كومپانيياسىنىڭ ٷستٸنەن سانكتسيياعا بايلانىستى YouTube ارناسىنداعى اككاۋنتتارى بۇعاتتالىپ قالعان رەسەيدٸڭ بٸرقاتار باسپاسٶزٸ سوتقا شاعىم تٷسٸرگەن.
