Gonkongtegi áigili Jumbo atty keme-meiramhana Ońtústik Qytai teńizine apara jatqan kezde sýǵa batyp ketti, - dep habarlaidy Tengrinews.kz agenttigi Daily Mail portalyna silteme jasap.
Jumbo Kingdom "júzetin saraiy" 50 jylǵa jýyq turǵan porttan shyǵarylǵanyna birneshe kún ótken soń batyp ketken.
Aberdeen Restaurant Enterprises málimetterine sáikes, meiramhana sekildi keme Parasel araldary degen ataýǵa ie Sisha araldarynyń mańynda júzgen kezinde qolaisyz jaǵdaiǵa tap bolǵan, sóitip, sýǵa batyp ketken.
Ekipaj músheleri zardap shekpegen, biraq kemeni qutqarý múmkin bolmaǵan.
Uzyndyǵy 80 metrge jýyq Jumbo meiramhanasy qyryq jyl boiy Gonkongtiń kórikti jeri bolǵan. Onda 3 millionnan asa qonaq, sonyń ishinde Ulybritaniia patshaiymy Elizaveta II men akter Tom Krýz bolǵan.
Alaida pandemiia bastalǵannan beri nysan jabyq bolǵan. Shyǵyn, qymbat tehnikalyq qyzmet kórsetýdiń qiyndyqtaryna bailanysty operator ony jergilikti "Muhit saiabaǵyna" tegin berýge sheshim qabyldaǵan, biraq onda da osy sebepterge bailanysty qabyldanbaǵan. Nátijesinde olar meiramhanany Ońtústik-Shyǵys Aziiadaǵy qalaǵa aparyp, shetelde ári qarai jalǵastyrýdy uiǵarǵan.
