Gonkongtiń densaýlyq qorǵaý ortalyǵy dúisenbi kúni Gonkongte 45 kúnnen beri alǵash ret COVID-19 juqtyrý jaǵdaiy tirkelmegenin málim etti. Gonkongte koronavirýs juqtyrǵandar sany burynǵy deńgeide qalyp otyr – 1 025 adam, dep habarlaidy "Ult aqparat" Xinhuanet-ke silteme jasap.
Gonkongtiń densaýlyq saqtaý ministrligi dúisenbi kúni COVID-19 boiynsha kún saiynǵy baspasóz brifingisin ótkizbeý týraly sheshim qabyldaǵany habarlandy.
Soǵan qaramastan Densaýlyq qorǵaý ortalyǵy koronavirýs juqtyrý qaýpin azaitý úshin áleýmettik qashyqtyq sharalar saqtaýǵa shaqyrýda.
Gonkongte epidemiialyq jaǵdai burynǵysha turaqsyz jáne boljaýǵa kelmeidi, sondyqtan qoǵam abai bolýy qajet ekeni atalyp ótilgen.
Gonkong aýrýhana basqarmasynyń málimetinshe, COVID-19 diagnozy qoiylǵan tórt naýqas qaitys bolǵan. Aýrý juqtyrǵan jáne sondai kúdik týdyrǵan 630 naýqas aýrýhanadan emdelip shyqqan.
