Gonkongtaǵy ereýil kezinde QR Syrtqy ister ministrligine Qazaqstannyń eki azamaty júgingen, dep habarlaidy QazAqparat.
Bul týraly QR Syrtqy ister ministrliginiń resmi ókili Aibek Smadiiarov málimdedi.
«Kómek surap habarlasqan birinshi azamat sherý bolǵan kósheler arqyly áýejaiǵa jetkizýdi surady. Biz oǵan kómek kórsettik. Ekinshi azamat telefon arqyly habarlasyp, Eir Astana áýe kompaniiasynyń «Almaty - Gonkong» reisi týraly aqparat surady», - dedi A. Smadiiarov QR SIM ótken brifingte.
Onyń aitýynsha, ázirge barlyq reis qalpyna keltirilgen jáne kestege sáikes ushyrylýda. Qazaqstandyqtar esh kedergige ushyrap jatqan joq.
Buǵan deiin de Gonkongtaǵy (QHR) jaǵdaidyń shielenisýine jáne jappai narazylyq aktsiialarynyń jalǵasýyna bailanysty Qazaqstannyń Gonkongtaǵy Bas konsýldyǵy bizdiń azamattarǵa qalada qalyptasqan tótenshe jaǵdaidy eskertken edi.
Ondaǵy narazylyq maýsym aiynyń basynda kóterildi. Ereýilge shyqqandar Gonkongtaǵy quqyq búzýshylardy qurlyqtyq Qytaiǵa ekstradatsiialaý týraly zań jobasyna qarsy.
