Sot sársenbi kúni Gondýrastyń burynǵy prezidenti Porfirio Lobonyń áieli Rosa Elena Boniliany 58 jylǵa bas bostandyǵynan aiyrdy. Bul týraly Reuters agenttigi respýblikanyń Joǵarǵy sotynyń ókili Karlos Silvanyń málimdemesine silteme jasap habarlady.
«Burynǵy birinshi hanym Rosa Elena Bonilia aqshalai qarajatty jymqyrý jáne alaiaqtyq jasaǵany úshin 58 jylǵa sottaldy», - dedi Silva.
52 jastaǵy Bonilianyń advokaty qorǵaýyndaǵy áieldiń kinásiz ekendigin jáne Joǵarǵy sotqa apelliatsiia beriletinin málimdedi.
Eks-prezidenttiń jubaiy 2018 jyldyń aqpan aiynyń sońynda ustalǵan edi. Gondýras prokýratýrasy oǵan túrli áleýmettik baǵdarlamalardy júzege asyrýǵa baǵyttalǵan $700 myń qarjyny ielendi dep kiná taqty.
Lobo Ortalyq Amerika Respýblikasyn 2010-2014 jyldary basqardy.
