«Qazkontent» AQ direktorlar keńesiniń táýelsiz direktory Konstantin Gorojankinniń Facebook áleýmettik jelisinde jazǵan pikiri qoǵamnyń ashýyn týǵyzdy. Ol óz jazbasynda pedofildik – ońtústik halqynyń geninde bar qasiet ekenin meńzegendei. Bul týraly sn.kz habarlady.
Túsinikti bolý úshin aita keteiik, Saryaǵash aýdany Abai aýylyndaǵy zorlandy degen 7 jasar balanyń isine qatysty úsh jetkinshektiń jaýapkershilikten bosaǵany aitylǵannan keiin, áleýmettik jeli qoldanýshylary kinálilerdi izdei bastaǵan. Iaǵni, balalardyń mundai azǵyndyqqa barýyna ne sebep bolǵanyn jurttar jarysa jazyp jatty. Al, @Kondrat Arcanov esimdi jeli qoldanýshysy: «jemqorlyq pen rýshyldyqtyń órshýi túsinikti, biraq ol jaqtaǵy jastardyń arasynda gomoseksýalizmniń osynshama órshýine ne sebep?» degen saýal tastaǵan bolatyn. Onyń saýalyna «Qazkontent» AQ direktorlar keńesiniń táýelsiz direktory Konstantin Gorojankin jaýap bergen.
«Bul genge bailanysty. 19 ǵasyrda Qazaqstanda bolǵan saiahatshylardyń jazbalarynda jergilikti turǵyndardyń malmen jynystyq qatynasqa túsetini jáne gomoseksýaldyq qatynastary týraly kóp aitylǵan», – deidi Gorojankin.
Onyń osynaý pikiri jeli qoldanýshylarynyń ashýyn týǵyzdy. Ásirese ońtústikqazaqstandyqtar Gorojankinniń ústinen quqyq qorǵaý organdaryna aryz jazamyz dep bekinip otyr. Ony ultaralyq janjal týǵyzdy dep aiyptaýda.
«Konstantin Gorojankinniń pikiri onyń jeke kózqarasy, bul – Qazcontent kompaniiasynyń ustanymyn bildirmeidi. Qazirgi ýaqytta búkil mán-jai anyqtalýda, Qazaqstan Respýblikasynyń zańnamasyna sai áreket jasaityn bolamyz», – dep jazdy «Qazkontent» AQ Basqarma tóraǵasy Evgenii Kochetov Facebook-paraqshasynda.
