BF jáne IBO nusqalary boiynsha orta salmaqtaǵy álem chempiony Gennadii Golovkinmen (41-1-1, 36 KO) birge jumys atqaryp júrgen promoýter Tom Leffler GGG-diń basqa tabysty boksshylardan aiyrmashylyǵy qandai ekenin baiandap berdi, dep habarlaidy Sports.kz saity.
Onyń aitýynsha, Gennadii kúntizbesinde josparlanǵan jekpe-jekteri bolmasa da, qatań tártip saqtap júredi.
«GGG – óte «taza» ómir saltyn júrgizip kelgen jigitterdiń biri. Ol árdaiym jegen tamaǵyn, salmaǵyn qadaǵalap, artyq keli qospaidy. Ol túngi klýbtarda ýaqyt ótkizbei, aqshasyn únemdep, otbasyn birinshi orynǵa qoiǵan jigit», - dep baiandady Leffler.
Gennadii Golovkin búginde sońǵy jekpe-jegin 2020 jyldyń jeltoqsanynda ótkizgen. Onda ol Polsha boksshysy Kamil Sheremetany (21-2, 5 KO) tehnikalyq nokaýtpen jeńip shyqqan. Qazaqstandyq boksshynyń ringke oralýy jazdyń sońyna josparlanyp otyr, alaida onyń ótetin kúni men qarsylasynyń esimi ázirge belgisiz.
