IBF jáne IBO tujyrymdary boiynsha álem chempiony qazaqstandyq Gennadii Golovkin (41-1-1, 36 KO) men osy salmaqtaǵy WBA Super belbeýiniń iegeri japoniialyq Riota Mýrata (16-2, 13 KO) arasyndaǵy jekpe-jek shegerildi, - dep habarlaidy Tengrinews.kz tilshisi Vesti.kz saityna silteme jasap.
ESPN málimetteri boiynsha, Japoniiada COVID-19-ǵa bailanys engizilgen jańa shekteýlerge sáikes sheteldikterge kirýge tyiym salynady. Bul sharalar "omikron" shtamynyń taralýyna qarsy kúresý úshin qabyldanǵan.
Resmi tulǵalar Japoniia úkimetinen Golovkinge qatysty basymdyq alýǵa úmittengen, biraq kelisimge qol jetkizbedi. 29 jeltoqsanda Tokioda ótedi dep josparlanǵan jekpe-jek kelesi jylǵa aýystyrylady dep josparlanǵan.
Eske salaiyq, Golovkin ótken jyldyń jeltoqsanynan bastap ringke shyqpaǵan bolatyn, sol kezde AQSh-ta poliak Kamil Sheremetany (21-1, 5 KO) nokaýtqa túsirip, álem chempiony ataǵyn 21-ret qorǵaǵan edi.
35 jastaǵy Mýrata odan da uzaq ringke shyqpady, 2019 jyldyń jeltoqsanynda ol Stiven Batlerge (28-3-1, 24 KO) qarsy jekpe-jekte óz titýlyn qorǵap qalǵan bolatyn.
