IBF jáne IBO titýldary boiynsha orta salmaqtaǵy Álem chempiony Gennadii Golovkinniń promoýteri Tom Leffler (40-1-1, 35 KO) onyń bolashaq josparlarymen bólisti, dep habarlaidy "Ult aqparat" Sports.kz-ke silteme jasap.
Keshe GGG tóreshilerdiń sheshimimen ýkrainalyq boksshy Sergei Derevianchenkony (13-2, 10 KO) jeńip, álemniń eki márte chempiony atanǵan edi.
«Biz DAZN-men kezdesip, odan arǵy jospardy talqylaýymyz qajet. Endi, Gennadii chempion atanyp otyrǵanda, titýldardy saqtap qalýy úshin aldyna mindetter qoiylady. IBF, IBO jáne DAZN neni qalaitynyn bilip alyp, soǵan qarai áreket jasaimyz. Degenmen, Gennadii kelesi jyldyń basynda ringke qaitqysy keletinin bilemin.
«Kanelo» Sergei Kovalevke qarsy aiqaspaq. Bul keremet jekpe-jek bolady. Biz Alvarespen judyryqtasamyz dep oilaǵanbyz. Bul jaiynda áńgimeniń barlyǵy mezgilsiz aitylyp jatyr. Sebebi DAZN-ǵa ne keregin bilip alýymyz kerek. Sodan keiin Gennadiimen otyryp, onyń ne qalaitynyn talqylaýymyz qajet», - dedi Seconds Out-qa bergen suhbatynda Tom Leffler.
