IBF jáne IBO tujyrymdamalary boiynsha orta salmaqtaǵy álem chempiony, qazaqstandyq boksshy Gennadii Golovkinniń aldaǵy jekpe-jekteri ótetin kúnder belgili boldy. Bul týraly Sports.kz saityn habarlady.
GGG-diń teń promoýteri Eddi Hirn DAZN-men áńgimelesý kezinde boksshynyń Polsha boksshysy Kamil Sheremetamen IBF titýlyn mindetti qorǵaý úshin kelisimshartqa qol qoiǵanyn aitty. Bul kezdesý qarasha aiynda ótýi tiis.
Budan keiin Golovkin kelesi jyldyń mamyr aiynda meksikalyq Saýl Alvarespen úshinshi jekpe-jek ótkizýdi josparlap otyr. Bul judyryqtasý «Kanelonyń» súiikti kúnderiniń biri – Sinko de Maio merekesine (5 mamyrda atap ótiledi) orailastyrylǵan.
