IBF جەنە IBO تۇجىرىمدامالارى بويىنشا ورتا سالماقتاعى ەلەم چەمپيونى, قازاقستاندىق بوكسشى گەنناديي گولوۆكيننٸڭ الداعى جەكپە-جەكتەرٸ ٶتەتٸن كٷندەر بەلگٸلٸ بولدى. بۇل تۋرالى Sports.kz سايتىن حابارلادى.
GGG-دٸڭ تەڭ پروموۋتەرٸ ەددي حيرن DAZN-مەن ەڭگٸمەلەسۋ كەزٸندە بوكسشىنىڭ پولشا بوكسشىسى كاميل شەرەمەتامەن IBF تيتۋلىن مٸندەتتٸ قورعاۋ ٷشٸن كەلٸسٸمشارتقا قول قويعانىن ايتتى. بۇل كەزدەسۋ قاراشا ايىندا ٶتۋٸ تيٸس.
بۇدان كەيٸن گولوۆكين كەلەسٸ جىلدىڭ مامىر ايىندا مەكسيكالىق ساۋل الۆارەسپەن ٷشٸنشٸ جەكپە-جەك ٶتكٸزۋدٸ جوسپارلاپ وتىر. بۇل جۇدىرىقتاسۋ «كانەلونىڭ» سٷيٸكتٸ كٷندەرٸنٸڭ بٸرٸ – سينكو دە مايو مەرەكەسٸنە (5 مامىردا اتاپ ٶتٸلەدٸ) ورايلاستىرىلعان.
