Gennadii Golovkinniń bapkeri Djonaton Benks boksshynyń ýkrainalyq Sergei Derevianchenkoǵa qarsy ótkizetin jekpe-jegine qatysty pikir bildirdi, dep habarlaidy Sports.kz agenttigi.
Sóz arasynda Benks óziniń qarsylasy – Derevianchenkonyń bapkeri Andre Roze týraly da aitty.
«Rozege qarsy turý - men úshin de zor abyroi, men osy sózdi 15 jyl buryn áýesqoi boksta júrgen kezimde-aq aitqanmyn. Bul jigitti tek qurmetteimin. Bul osy jekpe-jekti men úshin Golovkinniń mansabyndaǵy eń iri aiqastardyń birine ainaldyrady. Men Rozeniń tarihyn jaqsy bilemin, onyń ainalasynda únemi jaqsy boksshylar júrgen, óitkeni olar Rozeniń ózin jańa deńgeige shyǵaratynyn biledi. Bul jaqsy jekpe-jek bolady», - dedi Benks.
Eske salaiyq, Gennadii Golovkin — Sergei Derevianchenko aiqasy 5 qazanda Niý-Iorkte Madison Square Garden arenasynda ótedi. Boksshylar birinshi baspasóz máslihatyn ótkizip, kóz arbasty.
