گەنناديي گولوۆكيننٸڭ باپكەرٸ دجوناتون بەنكس بوكسشىنىڭ ۋكراينالىق سەرگەي دەرەۆيانچەنكوعا قارسى ٶتكٸزەتٸن جەكپە-جەگٸنە قاتىستى پٸكٸر بٸلدٸردٸ, دەپ حابارلايدى Sports.kz اگەنتتٸگٸ.
سٶز اراسىندا بەنكس ٶزٸنٸڭ قارسىلاسى – دەرەۆيانچەنكونىڭ باپكەرٸ اندرە روزە تۋرالى دا ايتتى.
«روزەگە قارسى تۇرۋ - مەن ٷشٸن دە زور ابىروي, مەن وسى سٶزدٸ 15 جىل بۇرىن ەۋەسقوي بوكستا جٷرگەن كەزٸمدە-اق ايتقانمىن. بۇل جٸگٸتتٸ تەك قۇرمەتتەيمٸن. بۇل وسى جەكپە-جەكتٸ مەن ٷشٸن گولوۆكيننٸڭ مانسابىنداعى ەڭ ٸرٸ ايقاستاردىڭ بٸرٸنە اينالدىرادى. مەن روزەنٸڭ تاريحىن جاقسى بٸلەمٸن, ونىڭ اينالاسىندا ٷنەمٸ جاقسى بوكسشىلار جٷرگەن, ٶيتكەنٸ ولار روزەنٸڭ ٶزٸن جاڭا دەڭگەيگە شىعاراتىنىن بٸلەدٸ. بۇل جاقسى جەكپە-جەك بولادى», - دەدٸ بەنكس.
ەسكە سالايىق, گەنناديي گولوۆكين — سەرگەي دەرەۆيانچەنكو ايقاسى 5 قازاندا نيۋ-يوركتە Madison Square Garden ارەناسىندا ٶتەدٸ. بوكسشىلار بٸرٸنشٸ باسپاسٶز مەسليحاتىن ٶتكٸزٸپ, كٶز ارباستى.
