ESPN Deportes insaideri Salvador Rodriges orta salmaqtaǵy álem chempiony Saýl Alvarestiń bolashaǵyna jáne onyń Gennadii Golovkinmen úshinshi jekpe-jegine qatysty keibir derekterdi jaiyp saldy, dep habarlaidy Sports.kz portaly.
Jýrnalist Golovkinniń «Kanelomen» úshinshi ret kezdesýge, sondai-aq barlyq chempiondyq titýldardy jinap alý armanyn oryndaýǵa «kópir» mindetin atqaratyn qarsylasy kim ekenin aitty.
Telearnanyń habarlaýynsha, «Kanelo» keler jyly orta salmaqtaǵy barlyq chempiondyq titýldar úshin kúresip, álemniń absoliýtti chempiony atanýdy kózdep otyr. Bul rettegi alǵashqy jekpe-jegi 4 mamyr kúni Las-Vegastyń T-Mobile Arena arenasynda ótýi tiis. Oǵan IBF tujyrymy boiynsha álem chempiony Deniel Djeikobs qarsylas bolýy múmkin. Eger Djeikobsty jeńse, «Kanelonyń» aldynda tek Demetriýs Endreid ielik etip otyrǵan WBO beldigi ǵana qalady.
Golovkinniń aldyndaǵy múmkinshilikterdiń biri retinde mamandar DAZN-men kelisimshartqa otyryp, keler jyldyń alǵashqy jartysynda Endreidpen kezdesýdi aityp júr. Óitkeni sony jeńse, qyrkúiek aiynda «Kanelomen» kezdesý quqyǵyna ie bolady. Sonda boksshylar WBA (Super), WBC, WBO jáne IBF beldikterin sarapqa salady. Iaǵni, sol jekpe-jektiń jeńimpazy orta salmaqtaǵy álemniń absoliýtti chempiony atanady. Al bul boks keshi Mehikodaǵy áigili «Atsteka» stadionynda ótýi múmkin.
