Amerikalyq Boxingnews24.com saitynyń jýrnalisi Djastin Gremniń pikirinshe, Gennadii Golovkinge Deniel Djeikobspen qarymta kezdesý ótkizýdiń esh qajeti joq. Nege?
Golovkinniń jasy kelip qaldy, ol endi tek orta salmaqtaǵy chempiondyq belbeý ielerimen kezdesýi kerek dep esepteidi sarapshy. Onyń sózin qazaqstandyq sports.kz basylymy keltiredi.
«Eger GGG maýsymda nemese qyrkúiekte Djeikobspen qaita shyqsa jáne jeńilip qalsa, Golovkinge dos emesterdiń mereii ústem bolady. Al Kanelo Alvares jekpe-jekten bas tartýy yqtimal. Al eger Golovkin amerikandy 12 raýndtan keiin tóreshiler sheshimimen jeńse, ol úshin qurmetke ie bolmaidy.
8 sáýirde Golovkin 35 jasqa keledi. Sporttyń kez kelgen negizgi túrinde 35 jas kárilik bolyp sanalady. Boksta fizikalyq kúshpen qatar psihologiianyń myqtylyǵy da mańyzdy. Alaida, asa joǵary deńgeidegi qarsylaspen shyqqanda jas aiyrmasy da aitarlyqtai ról atqarady. Buǵan Gennadiidiń Dennimen kezdesýi kezinde kýá boldyq.
Golovkin muny esten shyǵarmaýy jáne jasy kelgen saiyn ár kezdesýdi ábden tarazylap baryp tańdaýy kerek.
GGG Djeikobsty taza uryp aldy. CompuBox statistikasy boiynsha, Golovkinniń dál tigen soqqylary Djeikobspen salystyrǵanda 56-ǵa kóp bolǵan. Iaǵni, raýnd saiyn 4-5 soqqy. Golovkinniń Djeikobsti nokdaýnǵa jibergenin jáne búkil kezdesýde agressivti qimyldaǵanyn umytpaý qajet. Endeshe bul jekpe-jekte esh oilanbastan jeńisti 115-112 nemese tipti 116-111 esebimen qazaqtyń paidasyna berýge bolady.
Golovkin tarihta eń myqty boksshylardyń biri retinde qalǵysy kelse, onda orta salmaqtaǵy titýldardyń bárin ielenýi kerek. Sońǵy 35 jylda úsh boksshy ǵana bul kategoriiadaǵy negizgi belbeýlerdi aldy. Olar: Marvin Hagler, Bernard Hopkins jáne Djermein Teilor (ol 2005-te Hopkinsti jeńgen bolatyn).
Eger Golovkin WBO nusqasy boiynsha álem chempiony Djo Sondersti jeńip, belbeýin ielense, odan keiin Saýl Alvarespen kezdesip, utar bolsa, onda jańaǵy rekordty jańartyp, orta diviziondaǵy barlyq belbeýlerdi biriktirgen bolar edi. Onda GGG búkil boks tarihyndaǵy eń úzdik úshtikke kiredi.
Osyndai statýsqa jetkisi kelse, Golovkin úshin Djeikobs siiaqty boksshylarmen revansh ótkizýge ýaqyt joǵaltpaýy kerek. Al Djeikobsty ol taza jeńgen bolatyn» deidi Djastin Grem.
