Olimpiada chempiony Ermahan Ybraiymov Gennadii Golovkin men Deniel Djeikobs jekpe-jegine qatysty óz pikirin bildirdi.
Bul rette Ybraiymov nokaýtsyz 12 raýndqa deiin ótken kezdesýdiń naqty eki sebebin aityp otyr, dep habarlaidy QazAqparat.
"Birinshiden, sońǵy kezde Gennadiige qarsy shyǵatyn boksshy tabylmai ketti, joqtyń qasy deýge bolady. Sosyn ony "monstr" - bárin japyryp tastaityn boksshy retinde kóp kórsetip ketti. Dál osy mifti seiiltip, qarsylastardyń qorqynyshyn azaitý úshin ol barlyq 12 raýnd boiy bokstasty. Ekinshiden, erte me, kesh pe, ýaqyt ózinikin alady. Gennadii Golovkin qazir 34-te, biyl 35-ke keledi. Qansha aitsaq ta, adamnyń jyldamdyǵy báseńdeidi, kúshi sarqylady. Menińshe, ýaqyt ta bolǵan siiaqty. Adamnyń resýrstary sheksiz emes qoi", - dedi Ybraiymov QazAqparat tilshisine bergen suxbatynda.
Onyń oiynsha, Gennadii Golovkinge sońǵy belbeýdi (qazirgi iesi - britandyq boksshy Sonders) alǵannan keiin Saýl "Kanelo" Alvarestiń artynan kóp júgire bermei, kelesi salmaq dárejesine aýysý qajet. Sebebi ol jaqta qyzyqty ári tartysty jekpe-jekter kóp.
Eske salaiyq, Gennadii Golovkin (36-0, 33 KO) 18 naýryz kúni Niý-Iorkte amerikalyq Deniel Djeikobsqa (32-1, 29 KO) qarsy jekpe-jek ótkizip, orta salmaqtaǵy WBA (Super), IBO, WBC jáne IBF nusqalary boiynsha barlyq belbeýlerin qorǵap qaldy. Aiqastan keiin Golovkin osy jolǵy aiqasty 12-shi raýndqa deiin jetkizýdi kózdemegenin aitty.
