Qazaqstandyq boksshy Gennadii Golovkinniń promoýteri Eddi Hirn óziniń klienti men polshalyq Kamil Sheremeta arasyndaǵy kezdesý 29 aqpanda Chikagodaǵy Wintrust Arena kesheninde ótýi múmkin ekenin aitty, – dep habarlady "Ult aqparat"Prosports.kz-ke silteme jasap.
«Biz jekpe-jekti 29 aqpanda ótkizemiz dep josparlap otyrmyz. Arena boiynsha da birneshe nusqa bar. Chikagoda ótkizsek, tamasha bolar edi. Sheremeta – polshalyq boksshy, al Chikagoda onyń otandastary óte kóp. Sol úshin jekpe-jekti Chikagoda ótkizý ideiasyn qoldaimyz» - dedi Hirn.
Sondai-aq, osydan biraz kún buryn qazaqstandyq boksshynyń promoýteri qazir kelissózder júrip jatqanyn atap ótti.
«Chikagoda Golovkinniń bedeli óte jaqsy dep oilaimyn. Ol álem chempiondyǵyna mindetti úmitker Kamil Sheremetamen kezdeskisi kelse, onda Chikagoǵa barýdyń máni bar. Naqty aita almaimyn, biraq kelissózder júrip jatyr. Bizdi mindetteitin siiaqty. Belbeý jeńip alsań, seni ataǵyńdy qorǵaýǵa mindettep qoiady, alaida IBF óitken joq. Soǵan qaramastan kelissózder bolyp jatyr. Sheremetanyń belbeýge talasqysy keletinin bilemiz» degen bolatyn.
