قازاقستاندىق بوكسشى گەنناديي گولوۆكيننٸڭ پروموۋتەرٸ ەددي حيرن ٶزٸنٸڭ كليەنتٸ مەن پولشالىق كاميل شەرەمەتا اراسىنداعى كەزدەسۋ 29 اقپاندا چيكاگوداعى Wintrust Arena كەشەنٸندە ٶتۋٸ مٷمكٸن ەكەنٸن ايتتى, – دەپ حابارلادى "ۇلت اقپارات"Prosports.kz-كە سٸلتەمە جاساپ.
«بٸز جەكپە-جەكتٸ 29 اقپاندا ٶتكٸزەمٸز دەپ جوسپارلاپ وتىرمىز. ارەنا بويىنشا دا بٸرنەشە نۇسقا بار. چيكاگودا ٶتكٸزسەك, تاماشا بولار ەدٸ. شەرەمەتا – پولشالىق بوكسشى, ال چيكاگودا ونىڭ وتانداستارى ٶتە كٶپ. سول ٷشٸن جەكپە-جەكتٸ چيكاگودا ٶتكٸزۋ يدەياسىن قولدايمىز» - دەدٸ حيرن.
سونداي-اق, وسىدان بٸراز كٷن بۇرىن قازاقستاندىق بوكسشىنىڭ پروموۋتەرٸ قازٸر كەلٸسسٶزدەر جٷرٸپ جاتقانىن اتاپ ٶتتٸ.
«چيكاگودا گولوۆكيننٸڭ بەدەلٸ ٶتە جاقسى دەپ ويلايمىن. ول ەلەم چەمپيوندىعىنا مٸندەتتٸ ٷمٸتكەر كاميل شەرەمەتامەن كەزدەسكٸسٸ كەلسە, وندا چيكاگوعا بارۋدىڭ مەنٸ بار. ناقتى ايتا المايمىن, بٸراق كەلٸسسٶزدەر جٷرٸپ جاتىر. بٸزدٸ مٸندەتتەيتٸن سيياقتى. بەلبەۋ جەڭٸپ الساڭ, سەنٸ اتاعىڭدى قورعاۋعا مٸندەتتەپ قويادى, الايدا IBF ٶيتكەن جوق. سوعان قاراماستان كەلٸسسٶزدەر بولىپ جاتىر. شەرەمەتانىڭ بەلبەۋگە تالاسقىسى كەلەتٸنٸن بٸلەمٸز» دەگەن بولاتىن.
