Qazaqstandyq kásipqoi boksshy Gennadii Golovkin áigili portýgaliialyq fýtbolshy Krishtianý Ronaldýǵa bokstyń qyr-syryn úiretti. Álemge áigili sportshylardyń birlesken jattyǵýy túsirilgen videoúzindini boksshy óz Instagram-paraqshasynda jariialady, dep habarlaidy "Ult aqparat".
Buqaralyq aqparat quraldarynda taraǵan aqparatqa sáikes, Gennadii Golovkin paraqshasynda bólisken videoúzindi DAZN kompaniiasynyń derekti filminen alynǵan. Derekti filmniń basty keiipkerleri Gennadii Golovkin men Krishtianý Ronaldý. DAZN kompaniiasynyń osynaý jańa jobasy sporttyń túr-túrinde álemge aty tanylǵan sportshylardy biriktiredi.
Shaǵyn ǵana treilerde sportshylardyń birlesken jattyǵýy kórsetilgen. Áńgime barysynda Golovkin Ronaldýdan: «Boksshy bola alar ma ediń?», - dep suraidy. «Olai oilamaimyn», - deidi fýtbolshy.
«Ómirdegi ortań minezińdi qalyptastyrady. Biz bai emes, qarapaiym adam bolyp dúnie esigin ashtyq. Óz ómiriń úshin tynymsyz kúresýge týra keledi», - deidi Krishtianý Ronaldý.
