قازاقستاندىق كەسٸپقوي بوكسشى گەنناديي گولوۆكين ەيگٸلٸ پورتۋگالييالىق فۋتبولشى كريشتيانۋ رونالدۋعا بوكستىڭ قىر-سىرىن ٷيرەتتٸ. ەلەمگە ەيگٸلٸ سپورتشىلاردىڭ بٸرلەسكەن جاتتىعۋى تٷسٸرٸلگەن ۆيدەوٷزٸندٸنٸ بوكسشى ٶز Instagram-پاراقشاسىندا جارييالادى, دەپ حابارلايدى "ۇلت اقپارات".
بۇقارالىق اقپارات قۇرالدارىندا تاراعان اقپاراتقا سەيكەس, گەنناديي گولوۆكين پاراقشاسىندا بٶلٸسكەن ۆيدەوٷزٸندٸ DAZN كومپانيياسىنىڭ دەرەكتٸ فيلمٸنەن الىنعان. دەرەكتٸ فيلمنٸڭ باستى كەيٸپكەرلەرٸ گەنناديي گولوۆكين مەن كريشتيانۋ رونالدۋ. DAZN كومپانيياسىنىڭ وسىناۋ جاڭا جوباسى سپورتتىڭ تٷر-تٷرٸندە ەلەمگە اتى تانىلعان سپورتشىلاردى بٸرٸكتٸرەدٸ.
شاعىن عانا ترەيلەردە سپورتشىلاردىڭ بٸرلەسكەن جاتتىعۋى كٶرسەتٸلگەن. ەڭگٸمە بارىسىندا گولوۆكين رونالدۋدان: «بوكسشى بولا الار ما ەدٸڭ?», - دەپ سۇرايدى. «ولاي ويلامايمىن», - دەيدٸ فۋتبولشى.
«ٶمٸردەگٸ ورتاڭ مٸنەزٸڭدٸ قالىپتاستىرادى. بٸز باي ەمەس, قاراپايىم ادام بولىپ دٷنيە ەسٸگٸن اشتىق. ٶز ٶمٸرٸڭ ٷشٸن تىنىمسىز كٷرەسۋگە تۋرا كەلەدٸ», - دەيدٸ كريشتيانۋ رونالدۋ.
