RF Sheshenstan Respýblikasynyń basshysy Ramzan Kadyrov qazaqstandyq boksshy Gennadii Golovkinniń jetistikteri týraly pikir bildirdi, dep habarlaidy QazAqparat tilshisi.
QR Prezidenti teleradiokesheniniń Instagram paraqshasynda jariialanǵan shaǵyn videoda Ramzan Kadyrov Gennadii Golovkin týraly oiyn aitty.
«Men bala kezden boksty jaqsy kóremin. Men úshin úzdik sportshy - kim bolsa ol bolsyn, daryndy adam, men úshin qurmetti adam. Sebebi, eńbeksiz eshkim eshteńege qol jetkize almaidy. Sizderdiń boksshylaryńyz - álem chempiony, ol ózin osyndai deńgeige kóterý úshin janyn saldy. Jattyǵýǵa emes, bári adamnyń ózine bailanysty. Ózin-ózi shyńdaityn bolsa, onyń qolynan bári keledi. Sizderde boks qana emes, dziýdo da qatty damyp keledi. Bizdiń sportshylarymyz kezdesip, birde jeńip, birde jeńilgen bolatyn. Sizderde sport qarqyndy damyp jatyr, sportshylaryńyzǵa qarap qýanyp otyramyz», - deidi Ramzan Kadyrov.
Esterińizige sala keteiik, úsh tujyrym boiynsha orta salmaqtaǵy eks-álem chempiony qazaqstandyq Gennadii Golovkin @gggboxing DAZN strimingtik servisimen mámile jasady. Úsh jylǵa arnalǵan kelisimshartqa sáikes, Gennadii platformada alty jekpe-jek ótkizýge tiis. Buǵan deiin Golovkinniń DAZN-men kelisimsharty, «Kanelomen» aiqasy jáne bokstaǵy maqsaty týraly aitqanyn jariialaǵan edik.
