Gennadii Golovkinniń (38-1-1, 34 KO) promoýteri Tom Leffler men WBA tujyrymdamasy boiynsha «turaqty» álem chempiony Riota Mýratanyń (14-1, 11 KO) promoýteri Bob Arým boksshylardyń Japoniiada kezdesýin uiymdastyrýǵa áli de úmitti, dep habarlaidy Sports.kz.
«Eger Mýrata demalys kúni Brantty jeńse, ol biz úshin tiimdi bolady. Men Honda myrza (Mýratanyń promoýteri) jáne Top Rank-pen jaqsy aralasamyn. Bul jekpe-jekti ótkizýge bolady. Gennadii qashanda halyqaralyq deńgeide aiqasqysy keledi. GGG ústel basyna qalai keletinin, Mýrata Japoniiada qandai reiting jasap júrgenin bilemiz, ol óte tanymal boksshy. Eger demalys kúni jeńiske jetse, qarsylastar arasynda kósh bastaýy múmkin», - dedi Leffler.
Buǵan Arým da óziniń pikirin bildirdi.
«Golovkin - óte tanymal tulǵa. Eger ol Tokyo Dome-da Mýratamen jekpe-jekke shyqsa, bul úlken oqiǵa bolmaq. Tom Leffler - tamasha jigit, boksty túsinetin jaqsy promoýter. Bul Honda myrza ekeýimizge bailanysty, biz Tomǵa ol bas tarta almaityn usynys jasaimyz», - dep atap ótti Arým.
