Ispaniialyq Marca basylymynyń jazýynsha, qazaqstandyq boksshy Gennadii Golovkin men japondyq Riota Mýrata arasyndaǵy jekpe-jek búginde uiymdastyrylýy múmkin eń «kári» álem chempiondary arasyndaǵy aiqasqa ainalýy múmkin, dep habarlaidy QazAqparat Sports.kz saityna silteme jasap.
Sáýir aiynda IBF/IBO nusqasy boiynsha orta salmaqtaǵy álem chempiony Golovin 40 jasqa tolǵan, al WBA Super titýlynyń iegeri Mýrata taiaýda 36-shy týǵan kúnin qarsy aldy. Osylaisha, olardyń jekpe-jegi 2022 jyly ótse, ekeýiniń jalpy jasy 76-dan asady.
Bul rette GGG kásipqoi bokstaǵy qazirgi álem chempiondarynyń ishinde eń «qart» boksshy bolsa, Mýrata atalǵan reitingte besinshi orynnan kórindi. Ekinshi orynda WBC tujyrymy boiynsha eń jeńil salmaqtaǵy álem chempiony, 39 jastaǵy filippindik Nonito Donir tur. Odan keiin IBF tujyrymy boiynsha álem chempiony latviialyq Mairis Briedis (37 jas) jáne WBC jáne IBF belbeýleriniń iegeri reseilik boksshy Artýr Beterbiev bar, ol da 21 qańtarda 37-ge tolady.
