Sýper orta salmaqtaǵy álemniń eks-chempiony Kaleb Trýaks qazaqstandyq boksshy Gennadii Golovkinniń DAZN strimingtik servisimen jasasqan kelisimshartyn aqylǵa qonymsyz dep sanaidy, dep habarlaidy Sports.kz.
«Men onyń úsh jyldyq kelisimshart jasasqanyna tań qalamyn. Onyń jasy - 36-da, sol sebepti mundai kelisim shynymen de tańǵalarlyq qoi. DAZN-nyń da mundai uzaq merzimge kelisimshart jasaǵany qyzyq eken», - dedi Trýaks Express.co.uk-ke bergen suhbatynda.
Aita keteiik, Golovkinniń DAZN strimingtik servisimen jasasqan kelisimsharty úsh jylǵa arnalǵan. Bul merzimde ol ár jyl saiyn ekeýden - barlyǵy alty jekpe-jek ótkizedi. Alǵashqy kezdesý maýsymda bolady, alaida qarsylasynyń esimi men jekpe-jek ýaqyty ázirge jariialanǵan joq.
