سۋپەر ورتا سالماقتاعى ەلەمنٸڭ ەكس-چەمپيونى كالەب ترۋاكس قازاقستاندىق بوكسشى گەنناديي گولوۆكيننٸڭ DAZN ستريمينگتٸك سەرۆيسٸمەن جاساسقان كەلٸسٸمشارتىن اقىلعا قونىمسىز دەپ سانايدى, دەپ حابارلايدى Sports.kz.
«مەن ونىڭ ٷش جىلدىق كەلٸسٸمشارت جاساسقانىنا تاڭ قالامىن. ونىڭ جاسى - 36-دا, سول سەبەپتٸ مۇنداي كەلٸسٸم شىنىمەن دە تاڭعالارلىق قوي. DAZN-نىڭ دا مۇنداي ۇزاق مەرزٸمگە كەلٸسٸمشارت جاساعانى قىزىق ەكەن», - دەدٸ ترۋاكس Express.co.uk-كە بەرگەن سۇحباتىندا.
ايتا كەتەيٸك, گولوۆكيننٸڭ DAZN ستريمينگتٸك سەرۆيسٸمەن جاساسقان كەلٸسٸمشارتى ٷش جىلعا ارنالعان. بۇل مەرزٸمدە ول ەر جىل سايىن ەكەۋدەن - بارلىعى التى جەكپە-جەك ٶتكٸزەدٸ. العاشقى كەزدەسۋ ماۋسىمدا بولادى, الايدا قارسىلاسىنىڭ ەسٸمٸ مەن جەكپە-جەك ۋاقىتى ەزٸرگە جارييالانعان جوق.
