Áigili kásipqoi boksshy Gennadii Golovkin Belgradta ótken álem chempionatynda júlde alǵan qazaqstandyq bylǵary qolǵap sheberlerin quttyqtady, dep habarlaidy "Ult aqparat".
"Serbiiada ótken álem chempionatynda sátti óner kórsetken qazaqstandyq boksshylar úshin qýanyshtymyn. Sportshylardy, jattyqtyrýshylardy jáne Keńes Hamituly bastaǵan federatsiiany laiyqty nátijemen quttyqtaimyn. Alǵa, Qazaqstan!", - dep jazdy Golovkin Twitter paraqshasynda.
Ol sondai-aq boksshylarǵa Aziia oiyndaryna daiyndyqta sáttilik tiledi.
Aita keteri, qazaq boksshylary 2021 jylǵy álem chempionatynda eki altyn, eki kúmis jáne bir qola júlde jeńip aldy. Álem chempionatynyń qorytyndysy boiynsha bas bapker Qairat Sátjanovtyń jetekshiligimen komanda jalpy júlde kestesinde ekinshi oryndy ielendi.
Álem chempionatynda Temirtas Júsipov (48 kg) pen Sáken Bibosynov (51 kg) altyn aldy, Mahmud Sabyrhan (54 kg) men Serik Temirjanov (57 kg) kúmis, Abylaihan Júsipov (67 kg) qola jeńip aldy.
