Foto: Instagram/@gggboxing
Álem boksynyń juldyzy Gennadii Golovkin Qazaqstan ulttyq quramasyn 2023 jylǵy álem chempionatyndaǵy jetistigimen quttyqtady, - dep habarlaidy "Ult aqparat".
"Qazaqstan quramasyn Tashkentte ótken bokstan álem chempionatyndaǵy tamasha nátijemen quttyqtaimyn!" - dep jazdy ol Instagram-paraqshasynda.
Aita keteiik, bizdiń boksshylar bes finaldyń tórteýinde jeńiske jetip, tarihi tabysyn qaitalap otyr. 2013 jyly Almatyda ótken álem chempionatynda da Qazaqstannyń tórt bylǵary qolǵa sheberi chempion atanǵan bolatyn.
Bul joly Tashkent tórinde Sanjar Táshkenbai (48 kelige deiin), Mahmud Sabyrhan (54 kelige deiin), Aslanbek Shymbergenov (71 kelige deiin) jáne Nurbek Oralbailar (80 kelige deiin) jasyndai jarqyldap, álem chempiony ataǵyn iemdense, Dýlat Bekbaýov (67 kelige deiin) kúmis júldeger atandy.
