Orta salmaqtaǵy burynǵy álem chempiony Gennadii Golovkinniń bapkeri Abel Sanches «Kanelomen» revanshtyń nátijesi jariialanǵannan keiin GGG nelikten birden ringten túsip, Maks Kellermanǵa suhbat bermegenin túsindirdi, dep habarlaidy inform.kz agenttigi Sports.kz portalyna silteme jasap.
Eske salaiyq, jekpe-jek tóreshilerdiń basym kópshiliginiń sheshimimen meksikalyqtyń jeńisimen aiaqtalǵan edi.
«Ringte úlken qýanyshty sátter bolyp jatqandyqtan, Gennadii meni shaqyryp alyp: «Bul onyń sáti. Oǵan ýaqyt berińder», - dedi. Bizdiń suhbat berýge ýaqytymyz keiinirek te bolady. Ol «Kaneloǵa» sol sátten lázzat alýǵa múmkindik bergisi keldi. Kóptegen sózder aityldy, birneshe taqyryptar qozǵaldy. Biraq ol sátti buzatyndai esh sebep joq. Bul, «Kanelonyń» sáti bolyp qala bersin», - dep jazdy Sanches Reddit-tegi (áleýmettik jańalyqtar saity) óz konferentsiiasynda.
